Surah Al-Baqara Ayahs #87 Translated in Khmer

នៅពេលដែលយើងបានសម្រេច យកកិច្ចសន្យាបុត្រអ៊ីស្រាឯលថា ពួកអ្នកមិនគោរពប្រណិប័តន៍ក្រៅ ពីអល់ឡោះ កតញ្ញុតាចំពោះមាតាបិតា និងអ្នកជិតខាង កុមារកំព្រា និងជនក្រីក្រ ហើយពួកអ្នកត្រូវនិយាយល្អ ទៅកាន់មនុស្សទាំងឡាយ ពួកអ្នកបញ្ឈរសឡាតិ៍ ផ្តល់ហ្សាកាតិ៍ ក្រោយមក ពួកអ្នកបែរចេញ លើកលែងតែតិចតួចបំផុតនៃពួកអ្នក ហើយពួកអ្នកជាពួកប្រឆាំង

ហើយនៅពេលដែលយើងបានសម្រេចយកកិច្ចសន្យារបស់ពួកអ្នក ពួកអ្នកមិន បង្ហូរឈាមគ្នា និងមិនបណ្តេញគ្នាចេញពីផ្ទះសម្បែងដែរ។ ក្រោយមកពួក អ្នកបានផ្តល់សច្ចានុម័ត ហើយពួកអ្នកធ្វើសាក្សីទៀត

ក្រោយមក ពួកអ្នកទាំងអស់នេះហើយ ដែលកាប់សម្លាប់គ្នាឯង ហើយបណ្តេញក្រុមខ្លះនៃពួក អ្នកឱ្យចេញពីផ្ទះសម្បែងពួកគេ។ ពួកអ្នកបានជួយអ្នកដទៃឱ្យប្រយុទ្ធនឹងគ្នាឯង ដោយការខុសឆ្គងនិងសត្រូវនឹងគ្នា។ បើពួកគេមកដល់ពួកអ្នក ជាជនឈ្លើយ សឹកវិញ ពួកអ្នកពិតជានឹងលោះពួកគេ ដែលវាជាអំពើហាមឃាត់មួយលើ ពួកអ្នក ករណីបណ្តេញគ្នាឯងនោះ។ តើពួកអ្នកជឿនូវភាគខ្លះនៃគម្ពីរហើយ ពួកអ្នកគ្មានជំនឿនូវភាគខ្លះឬ? គ្មានការតបស្នងណាមួយចំពោះជនដែល ប្រព្រឹត្តយ៉ាងដូច្នេះក្នុងចំណោមពួកអ្នកទេ ក្រៅពីការលំបាកវេទនាក្នុងជីវិត លោកិយឡើយ។ ហើយនៅលោកខាងមុខ គេនឹងរុញច្រានពួកគេទៅកាន់ ទណ្ឌកម្មយ៉ាងធ្ងន់ធ្ងរបំផុត។ អល់ឡោះពុំមែនជាអ្នកធ្វេសប្រហែសពីអ្វីដែល ពួកអ្នកបានប្រព្រឹត្តនោះ

ពួកទាំងអស់នេះហើយ ដែលបានយកលោក ខាងមុខ ទិញជិវិតក្នុងលោកបច្ចុប្បន្ន។ ហេតុនេះ គេមិនសំរាលទណ្ឌកម្មពី ពួកគេឡើយ ហើយពួកគេក៏គ្មានគេជួយដែរ

ជាការពិតណាស់ យើង បានផ្តល់គម្ពីរទៅមូសា ហើយបន្ទាប់ពីមូសា យើងចាត់ឱ្យមានជាបន្តបន្ទាប់ នូវរ៉សូលជាច្រើន។ រួចមកយើងបានផ្តល់ភស្តុតាងទាំងឡាយទៅអ៊ីសាបុត្រា ម៉ារីយ៉ាំ ហើយយើងបានពង្រឹងអ៊ីសា ដោយបរិសុទ្ធញាណ។ តើហេតុអ្វីបានជា នៅរាល់គ្រាដែលរ៉សូលម្នាក់ៗបានទៅដល់ពួកអ្នក ដោយនាំនូវអ្វីដែលពួកអ្នក មិនពេញចិត្តនោះ ពួកអ្នកធ្វើប្ញកក្អេងក្អាង? គឺមួយក្រុមត្រូវបានពួកអ្នកមួល បង្កាច់ ហើយមួយក្រុមទៀតត្រូវពួកអ្នកកាប់សម្លាប់