Surah Al-Baqara Ayahs #232 Translated in Khmer

ស្ត្រីៗដែលត្រូវគេលែងលះ ត្រូវរង់ចាំដោយខ្លួនឯងបីដងស្អាត។ មិនអនុញ្ញាតឱ្យពួកនាងលាក់នូវអ្វីដែលអល់ឡោះបានបង្កើត នៅក្នុងស្បូនពួកនាងទេបើពួកនាងមានជំនឿនឹងអល់ឡោះ ព្រមទាំងថ្ងៃអវសាន។ ស្វាមីពួកនាងចាំបាច់ក្នុងការវិលទៅកាន់ពួកនាងវិញនៅក្នុងករណីនោះ ប្រសិនបើពួកគេមានបំណងសម្រុះសម្រួល។ ពួកនាងមានសិទ្ធិដូចដែលពួកនាងមានភារកិច្ចដោយ សមរម្យ។ ពួកបុរសមានឋានៈមួយលើពួកនារី។ អល់ឡោះជាអ្នកមានអានុភាពជាអ្នកមហាគតិបណ្ឌិត

ការលែងលះ គឺពីរដង។ ការវិលត្រលប់ដោយសមរម្យ ឬការ លែងលះដោយសម្រួល។ មិនអនុញ្ញាតឱ្យពួកអ្នកយកសោះឡើយ នៃអ្វីដែលពួកអ្នក បានផ្តល់ជូនទៅពួកនាងហើយ លើកលែងតែករណីដែលគេទាំងពីរខ្លាចក្រែង មិនអាច ឈរត្រង់ព្រំដែនរបស់អល់ឡោះ។ ប្រសិនបើពួកអ្នកខ្លាចក្រែងគេទាំងពីរមិនអាចឈរ ត្រង់ព្រំដែនអល់ឡោះបាន ពេលនោះ គ្មានទោសពៃរ៍ទេលើគេទាំងពីរក្នុងករណីដែលនាងបានលោះនោះ។ នោះហើយព្រំដែនអល់ឡោះហេតុនេះចូរពួកអ្នកកុំរំលោភ។ ជនណាហើយរំលោភបំពានព្រំដែនអល់ឡោះជនទាំងនោះហើយ ជាពួកដែលបំពារបំពាន

បន្ទាប់មកប្រសិនបើបុរសបានលែងលះនាងហើយ (បីដង) នាងនោះមិនអនុញ្ញាតឱ្យបុរសនោះទៀតទេ បន្ទាប់ពីនេះទៅទាល់តែនាងរៀបការប្តីម្នាក់ក្រៅពីបុរសនោះសិន។ បើបុរសនោះបានលែងនាងហើយ គឺគ្មានទោសពៃរ៍ទេលើគេទាំងពីរនាក់ដែលគេទាំងពីរវិលទៅរកគ្នាវិញ បើគេទាំងពីរគិតថាអាចឈរត្រង់ព្រំដែនអល់ឡោះបាន។ នោះហើយជាព្រំដែនអល់ឡោះ ដែលលោកបំភ្លឺព្រំដែននោះជូនក្រុមដែលដឹង

កាលណាពួកអ្នកបានលែងលះភរិយារួចពួកនាងជិតដល់អ៊ីទ្ទះរបស់ពួកនាងហើយពេលនោះ ចូរពួកអ្នកវិលទៅពួកនាងដោយសមរម្យឬពួកអ្នកលែងលះពួកនាងដោយ សមរម្យ។ ចូរពួកអ្នកកុំវិលទៅពួកនាងដោយការធ្វើទុក្ខដើម្បីពួកអ្នកបំពាន។ ជនណាធ្វើដូចនោះ ជននោះពិតជាបានបំពារបំពានចំពោះខ្លួនឯង។ ហើយចូរពួកអ្នកកុំយកអាយ៉ាត់ៗអល់ឡោះធ្វើជាការលេងសើច។ និងចូរពួកអ្នករំលឹកនូវឧបការៈគុណ អល់ឡោះមកលើពួកអ្នកនិងអ្វីដែលលោកបានបញ្ចុះមកលើពួកអ្នកនៃគម្ពីរ និងគតិបណ្ឌិត។ លោកដាស់តឿនពួកអ្នក។ចូរពួកអ្នកគោរពកោតខ្លាចអល់ឡោះ ហើយចូរពួកអ្នកជ្រាបថាអល់ឡោះពិតជាដឹងបំផុតនូវរាល់វត្ថុ

កាលណាពួកអ្នកបានលែងលះភរិយា រួចមកពួកនាងបានដល់អាជ្ញាយុកាលរបស់ពួកនាងហើយពេលនោះពួក អ្នកកុំរារាំងពួកនាងមិនឱ្យនាងរៀបការនឹងស្វាមីរបស់ពួកនាងកាលណាពួកគេព្រម ព្រៀងគ្នារវាងពួកគេដោយសមរម្យ។ នោះហើយគេដាស់តឿនរឿងនេះចំពោះជនណាដែលជឿនឹងអល់ឡោះជឿនឹងថ្ងៃអវសានក្នុងចំណោមពួកអ្នក។ នោះហើយជាតម្លាភាព និងស្អាតស្អំបំផុតសម្រាប់ពួកអ្នក។ ហើយអល់ឡោះដឹងតែពួកអ្នកមិនដឹង