Surah Al-Baqara Ayahs #225 Translated in Khmer

ចូរពួកអ្នក កុំរៀបការនឹងពួកនារីមុស៊្រិក ទាល់តែពួកនាងមានជំនឿសិន។ ទាសីម្នាក់ដែលមាន ជំនឿ ប្រសើរជាងនារីមុស៊្រិកម្នាក់ ទោះបីនាងបានទាក់ទាញអារម្មណ៍ពួកអ្នកក៏ដោយ។ ហើយចូរពួកអ្នកកុំរៀបការពួកនាងឱ្យទៅពួកបុរសមុស៊្រិក ទាល់តែពួកគេមានជំនឿ សិន។ ទាសាម្នាក់ដែលមានជំនឿ ប្រសើរជាងបុរសមុស៊្រិកម្នាក់ ទោះបីបុរសនោះ បានទាក់ទាញអារម្មណ៍ពួកអ្នកក៏ដោយ។ ពួកគេទាំងនោះ បានហៅទៅកាន់នរក។ អល់ឡោះ ហៅទៅកាន់ឋានសួគ៌ និងការអភ័យទោសតាមការអនុញ្ញាតរបស់លោក។ ហើយលោកបំភ្លឺនូវបណ្តាអាយ៉ាត់លោកសំរាប់មនុស្ស ដើម្បីឱ្យពួកគេចងចាំ

ពួកគេនឹងសួរអ្នកស្តីពីពេលឈាមរដូវ។ ចូរអ្នកឆ្លើយថាឈាមរដូវគឺជាការកខ្វក់មួយ។ ដូចនេះចូរពួកអ្នកឃ្លាតពីនារីនៅពេលមានរដូវ។ ហើយពួកអ្នកកុំទៅជិតពួកនាងទាល់ តែពួកនាងជ្រះស្អាតសិន។ កាលណាពួកនាងបានជ្រះស្អាតហើយ សឹមពួកអ្នកចូលទៅដល់ពួកនាង (រួមសង្វាស) តាមតែករណីដែលអល់ឡោះបានបង្គាប់ពួកអ្នក។ អល់ឡោះពិតជាស្រឡាញ់ពួកសុំការប្រណី និងស្រឡាញ់ពួកជ្រះស្អាត

ភរិយាពួកអ្នកជាចំការមួយសម្រាប់ពួកអ្នក។ ដូចនេះចូរពួកអ្នកទៅដល់ចំការពួកអ្នកតាមតែពួកអ្នកសោមនស្ស។ ហើយចូរពួកអ្នករៀបចំបញ្ផួនសំរាប់ខ្លួនឯង។ ចូរពួកអ្នកគោរពកោតខ្លាចអល់ឡោះ។ ចូរពួកអ្នកដឹងថា ពួកអ្នកជាអ្នកត្រូវជួបនឹងលោក។ ហើយចូរអ្នកផ្តល់ដំណឹងរីករាយចំពោះពួកមានជំនឿ

ចូរពួកអ្នកកុំយក(ឈ្មោះ)អល់ឡោះជារនាំងសម្រាប់ ការស្បថស្បែរបស់ពួកអ្នក មិនឱ្យពួកអ្នកសាងអំពើសប្បុរស មិនឱ្យគោរពកោតខ្លាច និង មិនឱ្យពួកអ្នកសំរុះសំរួលរវាងពួកមនុស្ស។ អល់ឡោះជាអ្នកដែលឮជាអ្នកដឹងបំផុត

អល់ឡោះនឹងមិនយកទោសពៃរ៍ពួកអ្នកទេ ដោយសារការលេបខាយក្នុងការស្បថស្បែរបស់ពួកអ្នក ក៏ប៉ុន្តែលោកនឹងយកទោសពៃរ៍ពួកអ្នក ដោយសារតែចិត្តពួកអ្នកបានប្រឹងប្រែង។ អល់ឡោះជាអ្នកអភ័យទោសជាអ្នកទន់ភ្លន់បំផុត