Surah Al-Baqara Ayahs #226 Translated in Khmer

ពួកគេនឹងសួរអ្នកស្តីពីពេលឈាមរដូវ។ ចូរអ្នកឆ្លើយថាឈាមរដូវគឺជាការកខ្វក់មួយ។ ដូចនេះចូរពួកអ្នកឃ្លាតពីនារីនៅពេលមានរដូវ។ ហើយពួកអ្នកកុំទៅជិតពួកនាងទាល់ តែពួកនាងជ្រះស្អាតសិន។ កាលណាពួកនាងបានជ្រះស្អាតហើយ សឹមពួកអ្នកចូលទៅដល់ពួកនាង (រួមសង្វាស) តាមតែករណីដែលអល់ឡោះបានបង្គាប់ពួកអ្នក។ អល់ឡោះពិតជាស្រឡាញ់ពួកសុំការប្រណី និងស្រឡាញ់ពួកជ្រះស្អាត

ភរិយាពួកអ្នកជាចំការមួយសម្រាប់ពួកអ្នក។ ដូចនេះចូរពួកអ្នកទៅដល់ចំការពួកអ្នកតាមតែពួកអ្នកសោមនស្ស។ ហើយចូរពួកអ្នករៀបចំបញ្ផួនសំរាប់ខ្លួនឯង។ ចូរពួកអ្នកគោរពកោតខ្លាចអល់ឡោះ។ ចូរពួកអ្នកដឹងថា ពួកអ្នកជាអ្នកត្រូវជួបនឹងលោក។ ហើយចូរអ្នកផ្តល់ដំណឹងរីករាយចំពោះពួកមានជំនឿ

ចូរពួកអ្នកកុំយក(ឈ្មោះ)អល់ឡោះជារនាំងសម្រាប់ ការស្បថស្បែរបស់ពួកអ្នក មិនឱ្យពួកអ្នកសាងអំពើសប្បុរស មិនឱ្យគោរពកោតខ្លាច និង មិនឱ្យពួកអ្នកសំរុះសំរួលរវាងពួកមនុស្ស។ អល់ឡោះជាអ្នកដែលឮជាអ្នកដឹងបំផុត

អល់ឡោះនឹងមិនយកទោសពៃរ៍ពួកអ្នកទេ ដោយសារការលេបខាយក្នុងការស្បថស្បែរបស់ពួកអ្នក ក៏ប៉ុន្តែលោកនឹងយកទោសពៃរ៍ពួកអ្នក ដោយសារតែចិត្តពួកអ្នកបានប្រឹងប្រែង។ អល់ឡោះជាអ្នកអភ័យទោសជាអ្នកទន់ភ្លន់បំផុត

សម្រាប់ពួកដែលស្បថមិនទៅជិតភរិយាខ្លួន ត្រូវរង់ចាំបួនខែ។ បើពួកគេបានវិលត្រលប់គឺអល់ឡោះពិតជា អ្នកអភ័យទោសជាអ្នកអាណិតស្រលាញ់បំផុត