Surah Al-Araf Ayahs #81 Translated in Khmer

ពួកគេក៏បាន កាប់សត្វអូដ្ឋញី ហើយពួកគេមានះ មិនស្តាប់ឱវាទម្ចាស់របស់ពួកគេ ពួកគេបាន និយាយថា ឱសាឡេះ! ចូរអ្នកនាំមកកាន់យើង នូវអ្វីដែលអ្នកសន្យាមកចំពោះយើង ប្រសិនបើអ្នកពិតជាស្ថិតក្នុងចំណោមពួករ៉សូល ដែលត្រូវគេចាត់បញ្ជូនមែននោះ

ហេតុនេះ រញ្ជួយផែនដី បានក្របួចយកជីវិតពួកគេ រួចមកពួកគេក្លាយជាអ្នក ស្លាប់សណ្តូកក្នុងលំនៅឋានរបស់ពួកគេរៀងៗខ្លួន

ក្រោយមក សាឡេះបាន បែរចេញពីពួកគេទាំងនោះ ហើយបាននិយាយថា ឱក្រុមពួករបស់យើង! ជាការពិត ណាស់ យើងបានបញ្ជូនបន្តទៅកាន់ពួកអ្នក នូវសាររបស់ម្ចាស់យើង ហើយយើង បានជូនយោបល់ទៅពួកអ្នក ក៏ប៉ុន្តែពួកអ្នកមិនចូលចិត្តពួកដែលជូនយោបល់ទេ

លោទ ក្នុងពេលដែលលោទបាននិយាយទៅកាន់ក្រុមគេថា តើពួកអ្នកប្រព្រឹត្តអំពើ អាស្រូវភាស ដែលកាលពីមុនអ្នក គ្មានអ្នកណាម្នាក់នៃលោកទាំងមូលបានប្រព្រឹត្ត អំពើនេះឡើយឬ?

ជាការពិតណាស់ ពួកអ្នកបានប្រព្រឹត្តកាមគុណជាមួយបុរស ដោយពុំមែននារីភេទ។ ផ្ទុយទៅវិញ ពួកអ្នកគឺជាក្រុមដែលជ្រុលហួសហេតុ