Surah Al-Araf Ayahs #47 Translated in Khmer

យើងបានដកគំនុំចេញពីទ្រូងរបស់ពួកគេ នៅពីក្រោមពួក គេ មានទន្លេជាច្រើនហូរកាត់ ពួកគេបានចេញវាចារថា ការសរសើរស្ញប់ស្ញែងទាំងឡាយជា កម្មសិទ្ធិរបស់អល់ឡោះ ដែលលោកបានមគ្គុទ្ទេសយើងតំរង់មកទីនេះ យើងនឹងមិនអាចមាន មគ្គុទ្ទេសន៍ឡើយ បើសិនអល់ឡោះមិនបានធ្វើមគ្គុទ្ទេសន៍យើងទេ។ រ៉សូលៗរបស់ម្ចាស់យើង ពិត ជាបាននាំមកនូវសច្ចភាព ហើយគេបានស្រែកប្រកាសទៅពួកគេទាំងនោះថា នុះន៎! ឋានសួគ៌ ដែលគេបានផ្តល់មរតកទៅពួកអ្នក នូវឋានសួគ៌បណ្តាលមកពីអ្វីដែលពួកអ្នកធ្លាប់បានសាង

ពួកមនុស្សឋានសួគ៌ បានស្រែកប្រាប់ទៅពួកមនុស្សឋាននរកថា យើងប្រាកដជាជួបប្រទះនូវអ្វី ដែលម្ចាស់របស់យើងបានសន្យាចំពោះយើង ពិតជាសច្ចៈមែន តើពួកអ្នកមានបានជួបប្រទះនូវអ្វី ដែលម្ចាស់របស់អ្នកបានសន្យានោះពិតជាសច្ចៈដែរឬទេ?។ ពួកគេទាំងនោះឆ្លើយថា បាទ! មាន ។ បន្ទាប់មក អ្នកប្រកាសក្នុងចំណោមពួកគេបានស្រែកប្រកាសថា បណ្តាសារបស់អល់ឡោះ ត្រូវ ទៅលើពួកមនុស្សបំពារបំពាន

គឺជាពួកដែលរារាំងពីផ្លូវអល់ឡោះ ពួកគេស្វែងរកផ្លូវវៀច វេរ ហើយពួកគេជាពួកគ្មានជឿលើថ្ងៃបរលោក

រវាងទាំងពីរពួកឋានសួគ៌ និងឋាននរក មានរបាំង។ ហើយនៅលើអាក់រ៉ាហ្វ មានពួកជនដែលស្គាល់គេទាំងអស់ ដោយចរិតលក្ខណៈ របស់ពួកគេ ហើយពួកគេបានស្រែកទៅកាន់ពួកជនឋានសួគ៌ថា បរមសុខលើពួកអ្នក ពួកគេ ទាំងនោះ មិនទាន់បានចូលឋានសួគ៌ទេ ហើយពួកគេត្រេកត្រអាលចង់ចូល

កាលណាគេ បានបំបែរចក្ខុវិញ្ញាណទាំងឡាយរបស់ពួកគេឆ្ពោះទៅពួកឋាននរក ពួកគេបាននិយាយបួងសួង ថា ឱម្ចាស់របស់យើង! សូមលោកមេត្តាកុំដាក់ពួកយើងរួមជាមួយនឹងក្រុមមនុស្សដែលបំពារ បំពាន