Surah Al-Araf Ayahs #26 Translated in Khmer

ដោយហេតុនេះ ស្ហៃតនបានរុញទំលាក់គេទាំងពីរ ដោយការបោកប្រាស់ ក្រោយមក នៅពេលដែលគេទាំងពីរ បានភ្លក្សរស ជាតិដើមឈើនោះ ហើយកេរ្តិ៍ខ?សារបស់គេទាំងពីរ ក៏បានលាតត្រដាងបង្ហាញដល់គេទាំងពីរ ហើយគេ ទាំងពីរក៏ចាប់ផ្តើមតភ្ជាប់នៃស្លឹកឈើឋានសួគ៌ា (មកបិទបាំងកាយគេទាំងពីរ)។ ហើយម្ចាស់គេទាំងពីរ បានហៅគេទាំងពីរថា តើយើងមិនទាន់បានហាមឃាត់អ្នកទាំងពីរអំពីដើមឈើនេះទេឬ? ហើយតើយើង មិនទាន់បាននិយាយប្រាប់អ្នកទាំងពីរទេឬថា ស្ហៃតនពិតជាសត្រូវដ៏ជាក់ច្បាស់ចំពោះអ្នកទាំងពីរ

គេទាំងពីរបានមានវាចាថា ឱម្ចាស់របស់យើងអើយ! យើងបានសាងអយុត្តិធម៌ចំពោះខ្លួនយើងផ្ទាល់ ប្រសិនបើលោកមិនអភ័យទោសឱ្យពួកយើងទេ ហើយលោកមិនអាណិតអាសូរពួកយើងទេ ពួកយើង ប្រាកដជាមានក្នុងចំណោមពួកខាតបង់

លោកបាននិយាយថា ចូរអ្នកទាំងឡាយចុះចេញភាគខ្លះ នៃពួកអ្នកជាសត្រូវចំពោះភាគខ្លះ។ នៅភពផែនដី ពួកអ្នកមានទីស្នាក់នៅ និងការសប្បាយរីករាយ រហូតដល់វេលាមួយ

លោកបាននិយាយថា នៅភពផែនដីពួកអ្នកនឹងរស់នៅ និងនៅភពផែន ដីពួកអ្នកនឹងធ្វើមរណកាល ហើយពីភពផែនដី ពួកអ្នកនឹងត្រូវគេបញ្ចោញ

នែ៎បុត្រអាដាម! យើង ពិតជាបានដាក់ចុះទៅលើពួកអ្នក នូវសំលៀកបំពាក់ដែលនឹងបិទបាំងភាពអាក្រាតរបស់ពួកអ្នក ព្រម ទាំងគ្រឿងតាក់តែងកាយ។ ប៉ុន្តែសំលៀកបំពាក់នៃការគោរពនោះ គឺល្អប្រសើរបំផុត។ ទាំងអស់នេះ ជាអាយ៉ាត់ៗរបស់អល់ឡោះ ដើម្បីពួកគេនឹងទទួលការរំលឹក