Surah Al-Anfal Ayahs #64 Translated in Khmer

ហើយចូរពួកអ្នកប្រុងប្រៀបតទល់នឹងពួកគេ នូវអ្វីដែលពួកអ្នក មានលទ្ធភាពជាកំលាំង និងជាកងទ័ពសេះ ដើម្បីដោយការប្រុងប្រៀបនេះ ពួកអ្នកនឹង បន្លាចសត្រូវរបស់អល់ឡោះ និងសត្រូវរបស់ពួកអ្នក ព្រមទាំងសត្រូវផ្សេងទៀតក្រៅពី ពួកគេទាំងនោះ ដែលពួកអ្នកមិនស្គាល់ពួកគេទាំងនោះ ប៉ុន្តែអល់ឡោះស្គាល់ពួកគេទាំង នោះច្បាស់។ ហើយអ្វីក៏ដោយដែលពួកអ្នកចំណាយក្នុងផ្លូវអល់ឡោះ ទោះបីបន្តិចបន្តួច ក៏លោកប្រាកដជានឹងបំពេញសងទៅកាន់ពួកអ្នកវិញ ហើយពួកអ្នកមិនត្រូវគេរំលោភ បំពានឡើយ

ហើយបើពួកគេបានបន្ទន់ទៅរកសន្តិភាព ពេលនោះចូរអ្នកបន្ទន់ទៅ វិញ ចូរអ្នកផ្ញើក្តីទុកចិត្តទៅលើអល់ឡោះ លោកគឺពិតជាអ្នកឮបំផុត ជាអ្នកដឹងបំផុត

ហើយប្រសិនបើពួកគេប៉ងប្រាថ្នានឹងក្បត់អ្នក ប្រាកដណាស់អល់ឡោះគ្រប់គ្រាន់ហើយ សម្រាប់អ្នក។ លោកដែលបានពង្រឹងអ្នកដោយជំនួយរបស់លោក និងដោយពួកជំនឿ ទាំងឡាយ

ហើយលោកបានបង្រួបបង្រួមរវាងចិត្តទាំងឡាយរបស់ពួកគេ។ ប្រសិន បើអ្នកបានចំណាយអ្វីដែលមាននៅលើដីទាំងអស់ ក៏អ្នកមិនអាចបង្រួបបង្រួមរវាងចិត្ត ទាំងឡាយរបស់ពួកគេបានឡើយ ក៏ប៉ុន្តែអល់ឡោះបានបង្រួបបង្រួមរវាងពួកគេទាំង នោះ លោកពិតជាអ្នកដែលប្រកបដោយពលានុភាពមហាគតិបណ្ឌិត

ឱណាពី! ការ គ្រប់គ្រាន់របស់អ្នកគឺអល់ឡោះ ព្រមទាំងជនដែលបានប្រតិបត្តិតាមអ្នក ក្នុងចំណោមពួក ជំនឿ