Surah Al-Anfal Ayahs #55 Translated in Khmer

ទាំងនេះ មកពីអ្វីដែលដៃទាំងឡាយរបស់ពួកគេបានប្រព្រឹត្តកន្លងទៅ ហើយ អល់ឡោះពិតជាពុំមែនជាអ្នកដែលបំពារបំពានចំពោះមនុស្សឡើយ

គឺដូចជាទំលាប់ របស់បរិវាហ្វារ៉ាអុង និងពួកជំនាន់មុនពួកគេ ដែលមិនបានជឿលើសំដីទូន្មានទាំងឡាយ របស់អល់ឡោះ រួចអល់ឡោះបានដាក់ទោសពួកគេ ដោយសារបាបកម្មទាំងឡាយរបស់ ពួកគេ។ អល់ឡោះពិតជាអ្នកដែលប្រពលខ្លាំងក្លា តឹងរ៉ឹងបំផុតនៃការធ្វើទណ្ឌកម្ម

ទាំងនេះបណ្តាលមកពីអល់ឡោះ ប្រាកដណាស់លោ់ក ពុំមែនជាអ្នកដែលធ្វើឱ្យកែប្រែនូវ ឧបការគុណដែលលោកបានប្រទានឧបការគុណនោះ ទៅលើក្រុមពួកណាមួយនោះទេ ទាល់តែក្រុមពួកនោះបានធ្វើឱ្យកែប្រែ នូវអ្វីដែលមាននៅខ្លួនរបស់ពួកគេផ្ទាល់។ ហើយ អល់ឡោះពិតជាឮបំផុត ដឹងបំផុត

គឺដូចជាទំលាប់របស់បរិវាហ្វារ៉ាអុង និងពួកជំនាន់ មុនរបស់ពួកគេដែលបានបដិសេធលើអាយ៉ាត់ៗម្ចាស់ពួ់កគេ រួចយើងបានបំផ្លាញពួកគេ ដោយសារតែបាបកម្មទាំងឡាយរបស់ពួកគេ ហើយយើងបានពន្លិចពន្លង់បរិវាហ្វារ៉ាអុង ពីព្រោះទាំងអស់នោះ ពួកគេជាពួកដែលបំពារបំពាន

សត្វតិរច្ឆានដ៏អាក្រក់បំផុតឯ អល់ឡោះ គឺប្រាកដជាពួកដែលគ្មានជំនឿ ហើយពួកគេនៅតែមិនព្រមជឿទៀតផង