Surah Al-Ahqaf Ayahs #30 Translated in Khmer

ហើយជាការពិតណាស់ យើងបានផ្តល់សម្បទារបស់ពួកគេ នៅក្នុងអ្វី ដែល យើងឥតបានផ្តល់សម្បទាទៅពួកអ្នកទេ ហើយបានចាត់ឱ្យពួកគេមានសោតវិញ្ញាណ និងចក្ខុវិញ្ញាណព្រមទាំងទឹកចិត្ត រួចមក សោតវិញ្ញាណរបស់ពួកគេ ចក្ខុវិញ្ញាណរបស់ពួកគេ និងទឹកចិត្តរបស់ពួកគេ ឥតបានផ្តល់គុណប្រយោជន៍ចំពោះពួកគេបន្តិចសោះឡើយ ពីព្រោះ ពួកគេធ្លាប់តែជំទាស់នឹងអាយ៉ាត់ៗរបស់អល់ឡោះ ហើយបានគ្របដណ្តប់ពួកគេ ដោយអ្វី ដែលពួកគេធ្លាប់តែចំអកឡកឡាយវានោះ

ហើយជាការពិតណាស់ យើងបានបំផ្លាញភូមិករ ដែលមានជុំវិញពួកអ្នក ហើយយើងបានបកស្រាយនូវអាយ៉ាត់ៗ សង្ឃឹមថា ពួកគេនឹងវិលវិញ

តើហេតុអ្វីបានជាមិនជួយពួកគេទៅ វត្ថុដែលពួកគេធ្លាប់បានទទួលយកក្រៅពីអល់ឡោះ ធ្វើជាម្ចាស់ប្រណិប័តន៍ដែលបង្ខិតខ្លួន? ផ្ទុយទៅវិញ វត្ថុទាំងនោះបានបាត់បង់ពីពួកគេ។ ទាំងនេះ គឺជាការបោកប្រាស់របស់ពួកគេ ហើយនឹងអ្វីដែលពួកគេធ្លាប់បានប្រឌិតឡើង

ហើយនៅខណៈ ដែលយើងបានលាតត្រដាងទៅកាន់អ្នក នូវហ្វូងមួយនៃពពួកជិន ដែល ប្រុងស្តាប់អាល់គួរអាន។ នៅពេលដែលពួកគេមកដល់នោះ ពួកគេថា សូមពួកអ្នកនៅ ស្ងៀម។ រួចនៅពេលដែលគេបានបញ្ចប់ ពួកគេបានវិលត្រឡប់ទៅកាន់ក្រុមមនុស្ស របស់ពួកគេវិញ ជាពួកអ្នកព្រមាន

ពួកគេថា ឱក្រុមរបស់យើង យើងពិតជាបានឮ នូវគម្ពីរមួយ ដែលគេបានដាក់ចុះបន្ទាប់ពីមូសា ដើម្បីបញ្ជាក់ចំពោះអ្វីដែលមានពីមុន មក វានឹងមគ្គុទ្ទេសឆ្ពោះទៅសច្ចភាព ហើយនិងឆ្ពោះទៅផ្លូវមួយដ៏ត្រឹមត្រូវ