Surah Aal-E-Imran Ayahs #81 Translated in Khmer

ការពិតពួកដែលទិញសន្យាអល់ឡោះនឹងលក្ខខណ្ឌលោកដោយតម្លៃតិចតួចបំផុតពួកទាំងនោះគ្មានទេជោគវាសនាសម្រាប់ពួកគេនាលោកខាងមុខ ។ នាថ្ងៃបរលោក អល់ឡោះមិននិយាយរកពួកគេ មិនមើលពួកគេនិងមិនសម្អាតពួកគេដែរ។ សម្រាប់ពួកគេឱ្យគឺទោសទណ្ឌដ៏ខ្លោចផ្សាបំផុត

ជាការពិតណាស់ក្នុងចំណោមពួកគេ មានមួយក្រុមដែលគ្រលៀសអណ្តាតរបស់ពួកគេថា ជាគម្ពីរដើម្បីពួកអ្នកគិតថាវាជាគម្ពីរមែនក្នុងករណីវាពុំមែនជាគម្ពីរទេ។ ហើយពួកគេថាវាមកពីអល់ឡោះ ក្នុងករណីវាពុំមែនមកពីអល់ឡោះទេ។ ហើយពួកគេនិយាយមួលបង្កាច់ទៅលើអល់ឡោះ ទាំងពួកគេបានដឹង

គ្មានមនុស្សណាម្នាក់ ដែលអល់ឡោះបានប្រទានទៅឱ្យគេ នូវគម្ពីរនិងគតិបណ្ឌិត និងឋានៈជាណាពី្ព រួចមកជននោះបាននិយាយទៅកាន់មនុស្សថា ចូរពួកអ្នកក្លាយជាអ្នកគាល់បម្រើយើងក្រៅពីអល់ឡោះទៅ ក៏ប៉ុន្តែ(គេគួរថា) ចូរពួកអ្នកក្លាយជាអ្នកប្រាជ្ញដោយសារតែពួកអ្នកធ្លាប់បានបង្រៀនគម្ពីរ និងដោយសារតែពួកអ្នកធ្លាប់បានសិក្សា

ហើយជននោះក៏មិនត្រូវប្រើពួកអ្នក ឱ្យទទួលយកពួកម៉ាឡាអ៊ីកាត់និងណាពីទាំងឡាយធ្វើជាម្ចាស់ដែរ។ តើសមទេជននោះប្រើពួកអ្នកឱ្យបោះបង់ជំនឿ បន្ទាប់ពីពួកអ្នកជាអ្នកចុះចូលគោរពហើយនោះ

នៅពេលដែលអល់ឡោះបានយកសន្យាណាពីទាំងឡាយ នាពេលដែលយើងបានប្រទានទៅឱ្យពួកអ្នកនូវគម្ពីរនិងគតិបណ្ឌិតខ្លះ បន្ទាប់មកមានរ៉សូលម្នាក់បានទៅដល់ពួកអ្នកដែលជាអ្នក បញ្ជាក់ពីអ្វីដែលមាននៅជាមួយពួកអ្នកស្រាប់ហើយចូរពួកអ្នកជឿនិងជួយរ៉សូលនោះ។ លោកថាតើពួកអ្នកមានបានព្រមព្រៀងទេ? ហើយពួកអ្នកមានបានទទួលលក្ខខណ្ឌយ្ឌងលើរឿងនោះទេ?ពួកគេថា ពួកយើងបានព្រមព្រៀងហើយ។ លោកថាហេតុនេះចូរពួកអ្នកធ្វើជាសាក្សីទៅហើយយើងក៏រួមជាមួយពួកអ្នកនៃពួកធ្វើជាសាក្សីដែរ