Surah Aal-E-Imran Ayahs #53 Translated in Khmer

ហើយជារ៉សូលម្នាក់ទៅកាន់បុត្រអ៊ីស្រាឯល ការពិតយើងបាននាំមកជូនពួកអ្នកនូវភស្តុតាងមួយមកពីម្ចាស់ពួកអ្នក យើងនឹងបង្កើតឱ្យពួកអ្នកអំពីដីឥដ្ឋជារាងបក្សី រួចយើងនឹងផ្លុំទៅក្នុងនោះក្រោយមកក៏ ក្លាយជាបក្សីមួយដោយការអនុញ្ញាតពីអល់ឡោះ។ ហើយយើងនឹងព្យាបាលឱ្យជានូវមនុស្សដែលខ្វាក់ និងឃ្លង់ ហើយយើងនឹងប្រោសមនុស្សស្លាប់ដោយការអនុញ្ញាតពីអល់ឡោះ។ ហើយយើងនឹងប្រាប់ពួកអ្នកអំពីអ្វីដែលពួកអ្នកនឹងទទួលទាននិងអ្វី ដែលពួកអ្នករក្សាទុកនៅផ្ទះពួកអ្នក។ ការពិតក្នុងករណីនេះ គឺជាភស្តុតាងមួយសម្រាប់ពួកអ្នក បើពួកអ្នកជាអ្នកមានជំនឿ

ហើយជាអ្នកបញ្ជាក់ចំពោះអ្វីដែលមាននៅចំពោះមុខយើងនៃតាវរ៉ាត ហើយយើងនឹងអនុញ្ញាតជូនពួកអ្នកនូវចំណែកខ្លះៗដែលគេបានហាមលើពួកអ្នក។ ហើយយើងបាននាំមកជូនពួកអ្នកនូវភស្តុតាង មួយមកពីម្ចាស់ពួកអ្នក។ ហេតុុនេះចូរពួកអ្នកគោរពកោតខ្លាចអល់ឡោះហើយចូរពួកអ្នកគោរពតាមយើង

ការពិតអល់ឡោះជាម្ចាស់យើង និងជាម្ចាស់របស់ពួកអ្នក ហេតុនេះចូរពួកអ្នកគោរពប្រណិប័តន៍លោក។ នេះជាផ្លូវមួយដ៏ត្រឹមត្រូវ

ហើយនៅពេលដែលអ៊ីសាបានដឹងខ្លូនថា មានការអជំនឿពីក្នុងចំណោមពួកគេ គេក៏និយាយថាអ្នកណាជាអ្នកជួយយើងឆ្ពោះទៅអល់ឡោះ?។ ពួកហាវ៉ារីយូនថា ពួកយើងជាអ្នកជួយអល់ឡោះ ពួកយើងបានជឿនឹងអល់ឡោះហើយ ហើយសូមអ្នកធ្វើសាក្សីផងថា ពួកយើងពិតជាអ្នកដែលចុះចូលគោរព

ឱម្ចាស់ពួកយើង!ពួកយើងបានជឿហើយនឹងអ្វីដែលលោកបានបញ្ចុះមក ពួកយើងបានប្រតិបត្តិតាមរ៉សូលហើយ ហេតុនេះសូមលោកកត់ត្រាពួកយើងជាមួយនឹងពួកដែលត្រូវធ្វើសាក្សីផង