Surah Aal-E-Imran Ayahs #50 Translated in Khmer

ហើយអ៊ីសានឹងនិយាយទៅកាន់មនុស្សក្នុងភាពជាកូនង៉ែតក្នុងអង្រឹង និងក្នុងវ័យកណ្តាល ហើយស្ថិតក្នុងចំណោមអ្នកសាងអំពើល្អ

នាងថា ឱម្ចាស់ខ្ញុំ! តើខ្ញុំនឹងមានកូនប្រុសម្តេចនឹងកើត បើមិនទាន់មានមនុស្សប្រុសណាម្នាក់ប៉ះពាល់ខ្ញុំផង។ លោកថាដូចនេះហើយអល់ឡោះបង្កើតអ្វីតាមតែលោកប្រាថ្នា។កាលណាលោក បានសំរេចធ្វើការងារអ្វីមួយលោកគ្រាន់តែពោលទៅកាន់ការងារនោះថាចូរកើតមានឡើង!ការងារនោះក៏កើតភ្លាម

ហើយលោកនឹងបង្រៀនគាត់នូវសំនេរគតិបណ្ឌិត តាវរ៉ាត និងអិនជេល

ហើយជារ៉សូលម្នាក់ទៅកាន់បុត្រអ៊ីស្រាឯល ការពិតយើងបាននាំមកជូនពួកអ្នកនូវភស្តុតាងមួយមកពីម្ចាស់ពួកអ្នក យើងនឹងបង្កើតឱ្យពួកអ្នកអំពីដីឥដ្ឋជារាងបក្សី រួចយើងនឹងផ្លុំទៅក្នុងនោះក្រោយមកក៏ ក្លាយជាបក្សីមួយដោយការអនុញ្ញាតពីអល់ឡោះ។ ហើយយើងនឹងព្យាបាលឱ្យជានូវមនុស្សដែលខ្វាក់ និងឃ្លង់ ហើយយើងនឹងប្រោសមនុស្សស្លាប់ដោយការអនុញ្ញាតពីអល់ឡោះ។ ហើយយើងនឹងប្រាប់ពួកអ្នកអំពីអ្វីដែលពួកអ្នកនឹងទទួលទាននិងអ្វី ដែលពួកអ្នករក្សាទុកនៅផ្ទះពួកអ្នក។ ការពិតក្នុងករណីនេះ គឺជាភស្តុតាងមួយសម្រាប់ពួកអ្នក បើពួកអ្នកជាអ្នកមានជំនឿ

ហើយជាអ្នកបញ្ជាក់ចំពោះអ្វីដែលមាននៅចំពោះមុខយើងនៃតាវរ៉ាត ហើយយើងនឹងអនុញ្ញាតជូនពួកអ្នកនូវចំណែកខ្លះៗដែលគេបានហាមលើពួកអ្នក។ ហើយយើងបាននាំមកជូនពួកអ្នកនូវភស្តុតាង មួយមកពីម្ចាស់ពួកអ្នក។ ហេតុុនេះចូរពួកអ្នកគោរពកោតខ្លាចអល់ឡោះហើយចូរពួកអ្នកគោរពតាមយើង