Surah Aal-E-Imran Ayahs #176 Translated in Khmer

គឺពួកដែលបានឆ្លើយតបទៅកាន់អល់ឡោះ និងរ៉សូល បន្ទាប់ ពីពួកគេត្រូវរបួស។ សម្រាប់ពួកដែលបានសាងអំពើល្អ និងគោរពកោតខ្លាច ក្នុង ចំណោមពួកអ្នក គឺរង្វាន់ដ៏មហាធំធេង

គឺជាពួកដែលមនុស្សបាននិយាយ ទៅកាន់ពួកគេថា ការពិតមនុស្សបានមូលមីរសម្រាប់ប្រយុទ្ធនឹងពួកអ្នក ដូចនេះ ចូរ ពួកអ្នកខ្លាចពួកគេទៅ។ (សម្តីនេះ) ធ្វើឱ្យីពួកគេកាន់តែថែមជំនឿទៀត។ ហើយពួក គេថា ការគ្រប់គ្រាន់សម្រាប់ពួកយើង គឺអល់ឡោះដែលជាអ្នកគាំពារដ៏ល្អ

រួចមក ពួកគេក៏បានវិលត្រឡប់ទៅវិញ ដោយនាំការអនុគ្រោះ និងត្រាប្រណីពី អល់ឡោះ។ គ្មានផលអាក្រក់ណាមួយប៉ះត្រូវពួកគេទេ ហើយពួកគេបានធ្វើតាម ក្តីសោមនស្សរបស់អល់ឡោះ។ ហើយអល់ឡោះប្រកបដោយការអនុគ្រោះដ៏ធំធេង

រឿងនេះមានតែស្ហៃតនទេ ដែលធ្វើឱ្យខ្លាចពួកដែលគោរពតាមវានោះ ហេតុនេះ ចូរពួកអ្នកកុំខ្លាចពួកគេ ចូរពួកអ្នកខ្លាចយើងវិញ ប្រសិនបើពួកអ្នក ជាពួកដែលមាន ជំនឿពិតមែននោះ

ហើយចូរកុំឱ្យពួកដែលរួសរាន់ទៅក្នុងអជំនឿនោះ ធ្វើឱ្យអ្នក កើតទុក្ខឱ្យសោះ។ ពួកគេពិតជាមិនអាចផ្តល់ឧបសគ្គដល់អល់ឡោះបានបន្តិចឡើយ។ អល់ឡោះប្រាថ្នា នឹងមិនធ្វើឱ្យពួកគេមានជោគវាសនានៅថ្ងៃចុងក្រោយឡើយ។ រួចពួកគេត្រូវទណ្ឌកម្មដ៏ធ្ងន់ធ្ងរបំផុត