Surah Aal-E-Imran Ayahs #173 Translated in Khmer

ហើយចូរអ្នកកុំនឹកស្មានឱ្យសោះថា ពួកដែលត្រូវបានគេ សម្លាប់ក្នុងផ្លូវអល់ឡោះ ជាអ្នកស្លាប់។ ផ្ទុយទៅវិញ ជាអ្នកដែលរស់នៅឯម្ចាស់ពួកគេ ដែលត្រូវគេផ្តល់អាហារ

ជាពួកសប្បាយនឹងក្តីប្រណី ដែលអល់ឡោះបាន ប្រទានឱ្យពួកគេ ហើយពួកគេរីករាយនឹងដំណឹងពួកដែលនៅរស់ក្រោយពីពួកគេ ដោយមិនទាន់រួមស្លាប់នឹងពួកគេថា គ្មានទេការភ័យខ្លាចលើពួកគេ ហើយពួកគេ ក៏ឥតព្រួយបារម្ភផងដែរ

ពួកគេរីករាយនឹងការអនុគ្រោះ និងត្រាប្រណីពី អល់ឡោះ។ ហើយអល់ឡោះពិតជាមិនធ្វើឱ្យបាត់បង់ចំពោះរង្វាន់សម្រាប់ពួកដែល មានជំនឿឡើយ

គឺពួកដែលបានឆ្លើយតបទៅកាន់អល់ឡោះ និងរ៉សូល បន្ទាប់ ពីពួកគេត្រូវរបួស។ សម្រាប់ពួកដែលបានសាងអំពើល្អ និងគោរពកោតខ្លាច ក្នុង ចំណោមពួកអ្នក គឺរង្វាន់ដ៏មហាធំធេង

គឺជាពួកដែលមនុស្សបាននិយាយ ទៅកាន់ពួកគេថា ការពិតមនុស្សបានមូលមីរសម្រាប់ប្រយុទ្ធនឹងពួកអ្នក ដូចនេះ ចូរ ពួកអ្នកខ្លាចពួកគេទៅ។ (សម្តីនេះ) ធ្វើឱ្យីពួកគេកាន់តែថែមជំនឿទៀត។ ហើយពួក គេថា ការគ្រប់គ្រាន់សម្រាប់ពួកយើង គឺអល់ឡោះដែលជាអ្នកគាំពារដ៏ល្អ