Surah Yusuf Ayahs #101 Translated in Khmer

ពួកគេនិយាយថា ឱបិតារបស់ពួកយើង! សូមលោកជួយសុំ អភ័យទោសឱ្យពួកយើង នូវបាបកម្មៗរបស់ពួកយើងផង ពួកយើងពិតជាពួកអ្នកដែលសាង កំហុសឆ្គង

គាត់ថា យើងនឹងសុំអភ័យទោសឱ្យពួកអ្នក ចំពោះម្ចាស់របស់យើង។ ការពិតលោកជាអ្នកដែលអភ័យទោស អាណិតអាសូរបំផុត

លុះនៅពេលដែលពួកគេ បានចូលទៅកាន់យូសុហ្វ គាត់បានអោបមាតាបិតារបស់គាត់ ហើយគាត់ថា ចូរពួកអ្នក ចូលទៅអេហ្ស៊ីបដោយសុខសន្តិភាព ប្រសិនបើអល់ឡោះប្រាថ្នា

ហើយគាត់បាន លើកមាតាបិតាដាក់លើបល្ល័ង្ក រួចមក ពួកគេបានផ្តួលខ្លួន ដើម្បីលុតក្រាបចំពោះគាត់។ រួចយូសុហ្វថា ឱបិតារបស់យើង នេះហើយការកាត់សុបិនរបស់យើងកាលពីមុន ម្ចាស់ របស់យើងបានធ្វើឱ្យសុបិននោះសច្ចៈយ៉ាងប្រាកដ។ ហើយលោកបានផ្តល់កុសលដល់យើង នៅពេលដែលលោកបានបញ្ចោញយើងពីពន្ធនាគារ ហើយលោកបាននាំអ្នកទាំងអស់គ្នាពី ជនបទ បន្ទាប់ពីស្ហៃតនបានជ្រៀតជ្រែករវាងយើង និងបងប្អូនរបស់យើង។ ម្ចាស់របស់ យើង ពិតជាអ្នកដែលទន់ភ្លន់បំផុតចំពោះអ្វីដែលលោកប្រាថ្នា។ លោកពិតជាដឹងបំផុត មហាគតិបណ្ឌិត

ឱម្ចាស់របស់ខ្ញុំ! លោកបានផ្តល់ឱ្យខ្ញុំយ៉ាងប្រាកដ នូវភាគខ្លះនៃ រាជាធិបតេយ្យឱ្យ ហើយលោកបានបង្រៀនខ្ញុំភាគខ្លះ នៃការកាត់សុបិនទាំងឡាយ ។ ឱអ្នក ដែលបង្កើតភពមេឃទាំងឡាយ និងភពផែនដី លោកជាអ្នកគាំពារខ្ញុំ ក្នុងលោកបច្ចុប្បន្ន និងលោកខាងមុខ សូមលោកបញ្ចប់ជីវិតខ្ញុំដោយប្រតិបត្តិផង ហើយសូមលោកភ្ជាប់ ខ្ញុំនឹងពួកដែលសាងកុសលផង