Surah Yusuf Ayahs #100 Translated in Khmer

លុះនៅពេលដែលអ្នកនាំដំណឹងរីករាយបានមកដល់ ហើយបានដាក់អាវនោះទៅលើមុខ របស់គាត់ ស្រាប់តែគាត់បានត្រលប់ទៅជាអ្នកមើលឃើញវិញ។ គាត់ថា តើយើងមិនទាន់ និយាយទៅកាន់ពួកអ្នកទាំងអស់គ្នាទេឬថា ជាការពិតណាស់ យើងដឹងពីអល់ឡោះនូវអ្វី ដែលពួកអ្នកមិនដឹង?

ពួកគេនិយាយថា ឱបិតារបស់ពួកយើង! សូមលោកជួយសុំ អភ័យទោសឱ្យពួកយើង នូវបាបកម្មៗរបស់ពួកយើងផង ពួកយើងពិតជាពួកអ្នកដែលសាង កំហុសឆ្គង

គាត់ថា យើងនឹងសុំអភ័យទោសឱ្យពួកអ្នក ចំពោះម្ចាស់របស់យើង។ ការពិតលោកជាអ្នកដែលអភ័យទោស អាណិតអាសូរបំផុត

លុះនៅពេលដែលពួកគេ បានចូលទៅកាន់យូសុហ្វ គាត់បានអោបមាតាបិតារបស់គាត់ ហើយគាត់ថា ចូរពួកអ្នក ចូលទៅអេហ្ស៊ីបដោយសុខសន្តិភាព ប្រសិនបើអល់ឡោះប្រាថ្នា

ហើយគាត់បាន លើកមាតាបិតាដាក់លើបល្ល័ង្ក រួចមក ពួកគេបានផ្តួលខ្លួន ដើម្បីលុតក្រាបចំពោះគាត់។ រួចយូសុហ្វថា ឱបិតារបស់យើង នេះហើយការកាត់សុបិនរបស់យើងកាលពីមុន ម្ចាស់ របស់យើងបានធ្វើឱ្យសុបិននោះសច្ចៈយ៉ាងប្រាកដ។ ហើយលោកបានផ្តល់កុសលដល់យើង នៅពេលដែលលោកបានបញ្ចោញយើងពីពន្ធនាគារ ហើយលោកបាននាំអ្នកទាំងអស់គ្នាពី ជនបទ បន្ទាប់ពីស្ហៃតនបានជ្រៀតជ្រែករវាងយើង និងបងប្អូនរបស់យើង។ ម្ចាស់របស់ យើង ពិតជាអ្នកដែលទន់ភ្លន់បំផុតចំពោះអ្វីដែលលោកប្រាថ្នា។ លោកពិតជាដឹងបំផុត មហាគតិបណ្ឌិត