Surah Yusuf Ayahs #81 Translated in Khmer

ពួកគេថា ប្រសិនបើគេលួច គឺបងប្រុសរបស់គេក៏បានលួចយ៉ាងប្រាកដកាលពីពេលមុននោះដែរ រួច មកយូសុហ្វក៏បានលាក់រឿងនេះនៅក្នុងខ្លួនរបស់គេ ហើយគេមិនទាន់បង្ហាញរឿងនេះទៅ ពួកគេនោះទេ។ យូសូហ្វនិយាយថា ពួកទាំងឡាយទេដែលអាក្រក់ខាងស្ថានភាព។ ហើយ អល់ឡោះដឹងបំផុតនូវអ្វីដែលពួកអ្នកពិពណ៌នា

ពួកគេនិយាយថា ឱលោកម្ចាស់អើយ! ការពិតជនម្នាក់នេះ មានបិតាម្នាក់ចាស់ជរាខ្លាំងណាស់ ហេតុនេះ សូមលោកចាប់យកម្នាក់ នៃពួកយើងជំនួសគេទៅ។ ការពិតយើងឃើញអ្នកក្នុងចំណោមពួកដែលសាងកុសល

យូសុហ្វបានថា សូមជ្រកកោននឹងអល់ឡោះ! ដែលយើងនឹងចាប់យកក្រៅពីអ្នកដែល យើងបានជួបប្រទះនូវប្រដាប់ប្រដារបស់យើងនៅជាមួយគេ ពុំនោះទេ យើងពិតជាពពួក អយុត្តិធម៌យ៉ាងប្រាកដ

នៅពេលដែលពួកគេបានអស់សង្ឃឹមពីរឿងនេះមក ពួក គេបានដកខ្លួនចេញ ដើម្បីពិភាក្សាសង្គ្រោះ។ ម្នាក់បងគេនៃពួកគេនោះថា តើពួកអ្នក មិនទាន់ដឹងទេឬថា បិតារបស់ពួកអ្នក ពិតជាបានយកលើពួកអ្នកនូវចំណងកិច្ចសន្យា មួយអំពីអល់ឡោះហើយកាលពីមុន ដែលពួកអ្នកបានធ្វេសប្រហែសក្នុងរឿងយូសុហ្វ? ដូច្នេះ យើងមិនអាចចាកចេញពីទឹកដីនេះបានទេ លុះត្រាតែបិតាយើងអនុញ្ញាតឱ្យយើង ឬទាល់តែអល់ឡោះវិនិច្ឆ័យឱ្យយើង លោកជាអ្នកដែលវិនិច្ឆ័យដ៏ប្រសើរជាងគេបង្អស់

ចូរពួកអ្នកវិលត្រលប់ទៅកាន់បិតារបស់ពួកអ្នក រួចមក ចូរពួកអ្នកថា ឱបិតារបស់ ពួកយើង! ជាការពិតណាស់បុត្រារបស់បិតាបានលួច ហើយពួកយើងមិនបានធ្វើជា សាក្សីទេ ក្រៅពីអ្វីដែលពួកយើងបានដឹង ហើយសំរាប់អាថ៌កំបាំង ពួកយើងក៏មិនអាច ការពារបានទេ