Surah Yusuf Ayahs #84 Translated in Khmer

នៅពេលដែលពួកគេបានអស់សង្ឃឹមពីរឿងនេះមក ពួក គេបានដកខ្លួនចេញ ដើម្បីពិភាក្សាសង្គ្រោះ។ ម្នាក់បងគេនៃពួកគេនោះថា តើពួកអ្នក មិនទាន់ដឹងទេឬថា បិតារបស់ពួកអ្នក ពិតជាបានយកលើពួកអ្នកនូវចំណងកិច្ចសន្យា មួយអំពីអល់ឡោះហើយកាលពីមុន ដែលពួកអ្នកបានធ្វេសប្រហែសក្នុងរឿងយូសុហ្វ? ដូច្នេះ យើងមិនអាចចាកចេញពីទឹកដីនេះបានទេ លុះត្រាតែបិតាយើងអនុញ្ញាតឱ្យយើង ឬទាល់តែអល់ឡោះវិនិច្ឆ័យឱ្យយើង លោកជាអ្នកដែលវិនិច្ឆ័យដ៏ប្រសើរជាងគេបង្អស់

ចូរពួកអ្នកវិលត្រលប់ទៅកាន់បិតារបស់ពួកអ្នក រួចមក ចូរពួកអ្នកថា ឱបិតារបស់ ពួកយើង! ជាការពិតណាស់បុត្រារបស់បិតាបានលួច ហើយពួកយើងមិនបានធ្វើជា សាក្សីទេ ក្រៅពីអ្វីដែលពួកយើងបានដឹង ហើយសំរាប់អាថ៌កំបាំង ពួកយើងក៏មិនអាច ការពារបានទេ

សូមបិតាសួរទៅភូមិករ ដែលពួកយើងបានស្នាក់នៅនោះទៅ ព្រម ទាំងអ្នកបរសត្វអូដ្ឋក្នុងពេលដែលពួកយើងត្រលប់មកវិញ។ ហើយពួកយើង គឺពិតជា ពួកដែលនិយាយត្រង់ពិតមែន

បិតាថា ជាការពិតណាស់ ខ្លួនរបស់ពួកអ្នកផ្ទាល់ ដែលបានតាក់តែងឱ្យពួកអ្នកនូវកិច្ចការមួយ។ ណ្ហើយ! ត្រូវទ្រាំអត់ធ្មត់យ៉ាងល្អទៅចុះ សង្ឃឹមថា អល់ឡោះនឹងនាំពួកគេមកកាន់យើងទាំងអស់គ្នា។ ការពិតលោក គឺពិតជា អ្នកដែលដឹងបំផុត មហាគតិបណ្ឌិត

គាត់បានដើរងាកចេញពីពួកគេ ព្រមទាំងស្រដី ថា ឱអនិច្ចាយូសុហ្វ! នេត្រាទាំងពីររបស់គាត់បានឡើងសំបុរស ដោយសារការកើតទុក្ខ ពីព្រោះគាត់ជាអ្នកទប់កំហឹង