Surah Yusuf Ayahs #62 Translated in Khmer

ហើយបងប្អូនរបស់យូសុហ្វបានមកដល់ រួចពួកគេបានចូលទៅដល់យូសុហ្វ ស្រាប់តែយូសុហ្វបាន ស្គាល់ពួកគេ ហើយពួកគេមិនស្គាល់យូសុហ្វវិញទេ

ហើយនៅពេលដែលយូសុហ្វបានចាត់ចែងជូន ពួកគេ នូវសំវិធានវត្ថុ(ស្បៀង)របស់ពួកគេ ហើយគាត់បានថា ចូរពួកអ្នកនាំមកកាន់យើងនូវប្អូនប្រុស របស់ពួកអ្នកពីបិតារបស់ពួកអ្នក។ តើពួកអ្នកមិនឃើញទេឬ ការពិតយើងបំពេញរង្វាល់ ហើយយើង ពិតជាអ្នកទទួលភ្ញៀវដ៏ប្រសើរជាងគេ

បើពួកអ្នកមិនព្រមនាំវាមកកាន់យើងទេ គឺគ្មានទៀតទេ រង្វាល់ លើសសំរាប់ពួកអ្នកអំពីយើង ហើយពួកអ្នកនឹងមិនបាននៅជិតយើងឡើយ

ពួកគេថាយើង យើងនឹងលួងលោមចំពោះបិតារបស់ពួកគេ ស្តីពីគេនេះហើយ យើងពិតជាអ្នកដែលធ្វើយ៉ាងប្រាកដ

រួចយូសុហ្វបាននិយាយទៅកាន់អ្នកបំរើរបស់គាត់ថា ចូរពួកអ្នកដាក់ទំនិញរបស់ពួកគេទៅក្នុងភារៈ វត្ថុរបស់ពួកគេវិញទៅ សង្ឃឹមថា ពួកគេនឹងស្គាល់ទំនិញនោះ កាលណាពួកគេបានវិលត្រលប់ទៅកាន់ គ្រួសាររបស់ពួកគេវិញ សង្ឃឹមថា ពួកគេនឹងវិលមកវិញ