Surah Yusuf Ayahs #38 Translated in Khmer

រួចមក ម្ចាស់របស់គេក៏បានទទួលឆ្លើយតបទៅកាន់គេ វិញ រួចលោកបានបំបែរចេញពីគេនូវល្បិចកលរបស់ពួកនាង។ ការពិត លោកគឺជាអ្នកដឹងបំផុត ឮបំផុត

ក្រោយមក ក៏បានលេចឡើងចំពោះពួកគេនូវអ្វីដែលពួកគេបានមើលឃើញនូវភស្តុតាងៗពួកគេ និង ដាក់ពន្ធនាគារចំពោះយូសុហ្វរហូតដល់ពេលកំណត់មួយ

មានអ្នកបំរើពីរនាក់ក៏បានចូលពន្ធនាគារ រួមជាមួយយូសុហ្វដែរ មួយនាក់នៃទាំងពីរនាក់នោះថា ការពិតខ្ញុំបានយល់សប្តិឃើញខ្ញុំច្របាច់ផ្លែត្រពាំង បាយជូរធ្វើស្រា។ ហើយម្នាក់ទៀតថា ការពិតខ្ញុំយល់សប្ត្តិឃើញខ្ញុំទូលលើក្បាលរបស់ខ្ញុំនូវនំប៉័ងដែល សត្វបានចឹកស៊ីនំប៉័ងនោះ ចូរអ្នកប្រាប់ពួកយើងផងនូវការកាត់យល់សប្តិនេះ។ ការពិតយើងឃើញអ្នក ក្នុងចំណោមពួកសាងកុសល

យូសុហ្វថា នែ៎! នឹងមិនមកដល់អ្នកទាំងពីរទេនូវចំណីអាហារណាមួយ ដែលគេធ្លាប់ឱ្យអាហារនោះដល់អ្នកទាំងពីរ លុះត្រាតែយើងនិយាយប្រាប់ទៅអ្នកទាំងពីរនូវការកាត់ យល់សប្តិនោះ មុននឹងចំណីអាហារនោះនឹងមកដល់អ្នកទាំងពីរ។ ទាំងនេះ គឺជាភាគខ្លះនៃអ្វីដែលម្ចាស់ របស់យើងបានបង្រៀនយើង ។ ការពិត យើងបានបោះបង់ចោលនូវសាសនារបស់ក្រុមមនុស្សមួយ ដែលមិនមានជំនឿនឹងអល់ឡោះ ហើយពួកគេ ជាអ្នកដែលអជំនឿនឹងថ្ងៃអវសានលោកទៀត

ហើយយើងបានតាមសាសនាជីដូនជីតារបស់យើង គឺអ៊ីព្រហ៊ីម អ៊ីស្ហាក និង យ៉ាក់កូប។ យើងមិនបានស៊ីរិកនឹងអល់ឡោះនូវវត្ថុណាមួយឡើយ។ ទាំងនោះ គឺជាភាគខ្លះនៃករុណាភាពរបស់អល់ឡោះមកលើយើង និងទៅលើមនុស្សទាំង ឡាយ ក៏ប៉ុន្តែភាគច្រើននៃពួកមនុស្សមិនសំដែងកតញ្ញូតា