Surah Yusuf Ayahs #41 Translated in Khmer

យូសុហ្វថា នែ៎! នឹងមិនមកដល់អ្នកទាំងពីរទេនូវចំណីអាហារណាមួយ ដែលគេធ្លាប់ឱ្យអាហារនោះដល់អ្នកទាំងពីរ លុះត្រាតែយើងនិយាយប្រាប់ទៅអ្នកទាំងពីរនូវការកាត់ យល់សប្តិនោះ មុននឹងចំណីអាហារនោះនឹងមកដល់អ្នកទាំងពីរ។ ទាំងនេះ គឺជាភាគខ្លះនៃអ្វីដែលម្ចាស់ របស់យើងបានបង្រៀនយើង ។ ការពិត យើងបានបោះបង់ចោលនូវសាសនារបស់ក្រុមមនុស្សមួយ ដែលមិនមានជំនឿនឹងអល់ឡោះ ហើយពួកគេ ជាអ្នកដែលអជំនឿនឹងថ្ងៃអវសានលោកទៀត

ហើយយើងបានតាមសាសនាជីដូនជីតារបស់យើង គឺអ៊ីព្រហ៊ីម អ៊ីស្ហាក និង យ៉ាក់កូប។ យើងមិនបានស៊ីរិកនឹងអល់ឡោះនូវវត្ថុណាមួយឡើយ។ ទាំងនោះ គឺជាភាគខ្លះនៃករុណាភាពរបស់អល់ឡោះមកលើយើង និងទៅលើមនុស្សទាំង ឡាយ ក៏ប៉ុន្តែភាគច្រើននៃពួកមនុស្សមិនសំដែងកតញ្ញូតា

នែ៎! មិត្តទាំងពីរ របស់យើងក្នុងពន្ធនាគារ តើម្ចាស់ទាំងឡាយដែលអារាត់អារាយនោះ ប្រសើរជាង ឬមួយអល់ឡោះតែមួយដែលមានអំណាចបំផុត?

ពួកអ្នកកំពុងប្រណិប័តន៍ ក្រៅពីអល់ឡោះនោះ គ្មានអ្វីក្រៅពីនាមទាំងឡាយដែលបានប្រសិទ្ធិនាមវាដោយ ពួកអ្នក និងជីដូនជីតាពួកអ្នកដែលអល់ឡោះមិនបានដាក់ចុះមក ដោយសារ នាមទាំងឡាយនោះនូវភស្តុតាងណាមួយឡើយ។ ការវិនិច្ឆ័យ គឺជាកម្មសិទ្ធិរបស់ អល់ឡោះតែមួយគត់។ លោកបានបញ្ជាមិនឱ្យអ្នកធ្វើប្រណិប័តន៍ ក្រៅពីចំពោះ លោកឡើយ។ ទាំងនេះ គឺជាសាសនាដែលត្រង់ ក៏ប៉ុន្តែភាគច្រើនណាស់នៃ មនុស្សមិនដឹង

នែ៎! មិត្តរបស់យើងទាំងពីរក្នុងពន្ធនាគារ រីឯម្នាក់នៃអ្នក ទាំងពីរ គេនឹងបំផឹកទៅចៅហ្វាយរបស់គេនូវសុរា។ រីឯម្នាក់ទៀតនឹងត្រូវគេ ឆ្កាង រួចមក បក្សីនឹងចឹកភាគខ្លះនៃក្បាលរបស់ពួកគេ ត្រូវបានសំរេចហើយ ការងារដែលអ្នកទាំងពីរស្នើសុំឱ្យយើងធ្វើបញ្ជាក់នោះ