Surah Yusuf Ayahs #21 Translated in Khmer

ពួកគេថា ឱបិតារបស់ ពួកយើង យើងបានធ្វើដំណើរទៅទាំងរត់ប្រណាំងគ្នា ហើយពួកយើងបានទុកចោលយូសុហ្វ នៅជិតប្រដាប់ប្រដារបស់ពួកយើង រួចមកសត្វចចកក៏បានស៊ីវាទៅ។ ហើយបិតាពុំមែនជា អ្នកដែលជឿយើងទេ ទោះបីពួកយើងជាអ្នកដែលទៀងត្រង់ក៏ដោយ

ហើយពួកគេក៏ បាននាំមកនូវអាវរបស់យូសុហ្វ ដែលមានឈាមកុហក។ គាត់និយាយថា ទេ! ការពិតលេស របស់ពួកអ្នកបានតាក់តែងឱ្យពួកអ្នកនូវគម្រោងការមួយ។ ដូច្នេះ ការអត់ធ្មត់គឺជាការប្រសើរ បំផុតមួយ ។ ហើយអល់ឡោះ គឺជាអ្នកដែលត្រូវគេសុំឱ្យជួយ នូវអ្វីដែលពួកអ្នកកំពុងតែ ពិពណ៌នា

ហើយពួកទូរចរបានធ្វើដំណើរមក រួចពួកគេក៏បានចាត់អ្នករត់ទឹកនៃពួកគេ រួចអ្នកនោះបានទំលាក់ធុងរបស់គេទៅ។ គេនិយាយថា ឱរីករាយណាស់! នេះគឺជាកុមារា ម្នាក់។ ហើយពួកគេបានលាក់ទុកយូសុហ្វជាមួយនឹងទំនិញ។ ហើយអល់ឡោះ គឺជាអ្នកដែល ដឹងបំផុតនូវអ្វីដែលពួកគេកំពុងប្រព្រឹត្ត

រួចមក ពួកគេបានលក់វានឹងតំលៃមួយដ៏ថោក តែចំនួនប៉ុន្មានឌីរហាំតែប៉ុណ្ណោះ ហើយពួកគេ គឺមានក្នុងចំណោមអ្នកបញ្ចុះតំលៃក្នុងរឿង នេះ

អ្នកមកពីអេហ្ស៊ីប ដែលបានទិញយូសុហ្វ បាននិយាយទៅកាន់ភរិយារបស់គាត់ថា ចូរនាងរៀបចំឱ្យបានសមរម្យចំពោះកន្លែងស្នាក់នៅរបស់វា សង្ឃឹមថា កុមារនេះនឹងផ្តល់ ផលប្រយោជន៍ដល់យើង ឬមួយយើងយកកុមារនេះធ្វើជាកូន ។ ហើយប្រៀបបីដូចនេះ ហើយ ដែលយើងបានកំណត់ទីកន្លែងសំរាប់យូសុហ្វនៅលើផែនដី ព្រមទាំងយើងនឹងបាន បង្រៀនយូសុហ្វស្តីពីការកាត់រឿងសុបិនទាំងឡាយ។ ហើយអល់ឡោះជាអ្នកដែលឈ្នះនៅ លើកិច្ចការរបស់លោក ក៏ប៉ុន្តែភាគច្រើនណាស់នៃមនុស្សមិនបានដឹងទេ