Surah Yunus Ayahs #77 Translated in Khmer

រួចមក ពួកគេបានមួលបង្កាច់ចំពោះណូហ៍ យើងបានសង្គ្រោះណូហ៍ និងអ្នកដែលមានរួមជាមួយគាត់នៅក្នុងនាវា ហើយយើងបានចាត់ ទុកពួកគេ ជាខលីហ្វះទាំងឡាយ ហើយយើងបានពន្លិចពន្លង់ចំពោះពួកដែលបានបដិសេធនឹង អាយ៉ាត់ៗយើង។ ដូច្នេះ ចូរអ្នកពិនិត្យមើល តើទីបញ្ចប់របស់ពួកដែលត្រូវគេព្រមានបានក្លាយទៅ ជាយ៉ាងដូចម្តេច?

ក្រោយមក យើងចាត់បន្ទាប់ពីណូហ៍នូវរ៉សូលៗ ទៅកាន់ក្រុមមរបស់ ពួកគេ រួចមកពួកគេបាននាំទៅជាមួយពួកគេនូវភស្តុតាងៗ ហើយពួកគេគ្មានឡើយមានជំនឿនឹង អ្វីៗដែលពួកគេធ្លាប់បដិសេធពីសម័យកាលមុននោះ។ ប្រៀបដូចនេះហើយ ដែលយើងបិទភ្ជិត ទៅលើទឹកចិត្តរបស់ពួកដែលរំលោភបំពាន

ក្រោយមក យើងបានចាត់បន្ទាប់ពីពួកទាំង នេះនូវមូសា និងហារូន ឱ្យទៅកាន់ហ្វារ៉ាអុង និងអ្នកមុខអ្នកការរបស់គេ ដោយនាំអាយ៉ាត់ ទាំងឡាយរបស់យើង រួចមក ពួកគេបានកាន់ឫកក្អេងក្អាង ហើយពួកគេជាក្រុមមនុស្សមួយដែល ឧក្រិដ្ឋ

លុះនៅពេលដែលសច្ចភាពពីយើងបានទៅកាន់ពួកគេ ពួកគេនិយាយថា នេះគឺពិត ជាមន្តអាគមមួយដ៏ច្បាស់ក្រឡែត

មូសាបានថា តើពួកអ្នកនិយាយទៅសច្ចភាព នៅពេល ដែលសច្ចភាពនោះបានទៅដល់ពួកអ្នកឬ? តើនេះជាមន្តអាគមមួយឬ? ហើយពួកគ្រូមន្តអាគម នឹងមិនឈ្នះសោះឡើយ