Surah Yunus Ayahs #79 Translated in Khmer

ក្រោយមក យើងបានចាត់បន្ទាប់ពីពួកទាំង នេះនូវមូសា និងហារូន ឱ្យទៅកាន់ហ្វារ៉ាអុង និងអ្នកមុខអ្នកការរបស់គេ ដោយនាំអាយ៉ាត់ ទាំងឡាយរបស់យើង រួចមក ពួកគេបានកាន់ឫកក្អេងក្អាង ហើយពួកគេជាក្រុមមនុស្សមួយដែល ឧក្រិដ្ឋ

លុះនៅពេលដែលសច្ចភាពពីយើងបានទៅកាន់ពួកគេ ពួកគេនិយាយថា នេះគឺពិត ជាមន្តអាគមមួយដ៏ច្បាស់ក្រឡែត

មូសាបានថា តើពួកអ្នកនិយាយទៅសច្ចភាព នៅពេល ដែលសច្ចភាពនោះបានទៅដល់ពួកអ្នកឬ? តើនេះជាមន្តអាគមមួយឬ? ហើយពួកគ្រូមន្តអាគម នឹងមិនឈ្នះសោះឡើយ

ពួកគេបាននិយាយថា តើអ្នកបានមកដល់ពួកយើង ដើម្បីអ្នកនឹង បង្វែរពួកយើងពីអ្វីដែលយើងបានប្រទះពីជីដូនជីតារបស់យើងឬ? ហើយដើម្បីឱ្យអ្នកទាំងពីរមាន មុខមាត់ធំដុំនៅលើដីនោះឬ? ពួកយើងពុំមែនជាពួកអ្នកមានជំនឿចំពោះអ្នកទាំងពីរឡើយ

ហ្វារ៉ាអុងបានថា ចូរពួកអ្នកនាំមកនូវរាល់គ្រូមន្តអាគមដ៏ចេះដឹងបំផុត