Surah Saba Ayahs #26 Translated in Khmer

ថាទៅ សូមពួកអ្នកបួងសួង ទៅកាន់ពួកដែលពួកអ្នកអះអាងផ្សេងពីអល់ឡោះ ពួកគេគ្មានកាន់កាប់អ្វីឡើយ សូម្បីទំងន់ អាតូមមួយគ្រាប់នៅឯមេឃ ឬក៏នៅឯផែនដី ហើយនៅឯភពទាំងពីរនោះ គ្មានដៃគូណា មួយសម្រាប់ពួកគេ ហើយក្នុងចំណោមពួកគេ គ្មានអ្នកណាម្នាក់ជួយសម្រាប់លោកដែរ

ហើយអន្តរាគមន៍នឹងគ្មានអត្ថប្រយោជន៍ឡើយនៅឯលោក មានតែចំពោះជនណាដែល លោកបានអនុញ្ញាតឱ្យ តែកាលណាគេបានបញ្ចៀសការភ័យខ្លាចពីចិត្តទាំងឡាយរបស់ ពួកគេ ពួកគេថា តើអ្វីទៅដែលជាម្ចាស់ពួកអ្នកដែលបាននិយាយ? ពួកគេថា សច្ចៈពិត។ ហើយលោកជាអ្នកដែលឧត្តុង្គឧត្តមបំផុត

ចូរថាទៅ តើអ្នកណាដែលបានផ្តល់ ភាក្សាហារពួកអ្នកពីមេឃទាំងឡាយ និងដី?។ ថាទៅ គឺអល់ឡោះ ហើយការពិត ពួក យើងឬពួកអ្នក ពិតជានៅលើមគ្គុទ្ទេសន៍មួយ ឬក៏នៅក្នុងការរសាត់វង្វេងមួយដ៏ជាក់ ច្បាស់នោះ

ចូរថាទៅ គេនឹងមិនសួរដេញដោលពួកអ្នកឡើយ អំពីអ្វីដែលពួក អ្នកបានប្រព្រឹត្តខុសឆ្គង ហើយគេក៏មិនសួរដេញដោលពួកយើងដែរ អំពីអ្វីដែលពួក អ្នកប្រព្រឹត្ត

ចូរថាទៅ ម្ចាស់របស់ពួកយើងនឹងប្រមូលរវាងពួកយើង ក្រោយមក លោកនឹងដោះស្រាយរវាងពួកយើងដោយសច្ចៈ ហើយលោកជាអ្នកដែលវិនិច្ផ័យ ជា អ្នកដែលដឹងបំផុត