Surah Saba Ayahs #27 Translated in Khmer

ហើយអន្តរាគមន៍នឹងគ្មានអត្ថប្រយោជន៍ឡើយនៅឯលោក មានតែចំពោះជនណាដែល លោកបានអនុញ្ញាតឱ្យ តែកាលណាគេបានបញ្ចៀសការភ័យខ្លាចពីចិត្តទាំងឡាយរបស់ ពួកគេ ពួកគេថា តើអ្វីទៅដែលជាម្ចាស់ពួកអ្នកដែលបាននិយាយ? ពួកគេថា សច្ចៈពិត។ ហើយលោកជាអ្នកដែលឧត្តុង្គឧត្តមបំផុត

ចូរថាទៅ តើអ្នកណាដែលបានផ្តល់ ភាក្សាហារពួកអ្នកពីមេឃទាំងឡាយ និងដី?។ ថាទៅ គឺអល់ឡោះ ហើយការពិត ពួក យើងឬពួកអ្នក ពិតជានៅលើមគ្គុទ្ទេសន៍មួយ ឬក៏នៅក្នុងការរសាត់វង្វេងមួយដ៏ជាក់ ច្បាស់នោះ

ចូរថាទៅ គេនឹងមិនសួរដេញដោលពួកអ្នកឡើយ អំពីអ្វីដែលពួក អ្នកបានប្រព្រឹត្តខុសឆ្គង ហើយគេក៏មិនសួរដេញដោលពួកយើងដែរ អំពីអ្វីដែលពួក អ្នកប្រព្រឹត្ត

ចូរថាទៅ ម្ចាស់របស់ពួកយើងនឹងប្រមូលរវាងពួកយើង ក្រោយមក លោកនឹងដោះស្រាយរវាងពួកយើងដោយសច្ចៈ ហើយលោកជាអ្នកដែលវិនិច្ផ័យ ជា អ្នកដែលដឹងបំផុត

ចូរថាទៅ សូមពួកអ្នកបង្ហាញយើងមក នូវពួកដែលពួកអ្នកបាន ភ្ជាប់វត្ថុស៊ីរិកនឹងលោក។ ទេ គ្មានទេ ក៏ប៉ុន្តែលោកគឺអល់ឡោះដែលជាអ្នកដែលមាន ពលានុពល ជាអ្នកមហាគតិបណ្ឌិតបំផុត