Surah Hud Ayahs #44 Translated in Khmer

ទាល់តែពេលណាបទបញ្ជារបស់យើងបាន ទៅដល់ ហើយក៏បានផុសចេញ(ទឹកពីដី) យើងថា ចូរអ្នកលើកដាក់ក្នុងសំពៅនូវមួយគូៗ ពីគ្រប់ប្រភេទព្រមទាំងគ្រួសាររបស់អ្នក ហើយនឹងអ្នកដែលមានជំនឿក្រៅពីអ្នកដែលសំដី (អល់ឡោះ)បានកន្លងផុតទៅ។ ហើយគ្មានអ្នកណាដែលមានជំនឿជាមួយគាត់ទេ ក្រៅពី ចំនួនបន្តិចបន្តួច

ហើយគាត់ថា ចូរពួកអ្នកជិះទៅក្នុងសំពៅដោយនាមអល់ឡោះ ដែលបញ្ជូនដំណើរសំពៅ និងបញ្ឈប់ដំណើរសំពៅ ការពិតម្ចាស់របស់យើង ពិតជាអ្នក អភ័យទោសឱ្យ ជាអ្នកអាណិតអាសូរបំផុត

ហើយសំពៅក៏នាំពួកគេធ្វើដំណើរនៅ ក្នុងរលកបីដូចជាភ្នំគិរី ហើយណូហ៍បានស្រែកហៅបុត្ររបស់គាត់ ដែលមាននៅក្នុងទី គំលាតមួយថា ឱបុត្រារបស់យើង ចូរអ្នកឡើងជិះជាមួយយើងមក ហើយចូរកុំនៅជាមួយ អ្នកអជំនឿ

វាថា យើងនឹងទៅជ្រកកោននៅភ្នំ ដែលនឹងការពារយើងពីទឹក ។ គាត់ថា ថ្ងៃនេះគ្មានអ្នកណាអាចការពារពីបទបញ្ជារបស់អល់ឡោះបានទេ ក្រៅពីអ្នកដែលលោក បានអាណិតអាសូរ។ រំពេចនោះ គេបានរាំងខ្ទប់រវាងអ្នកទាំងពីរដោយរលក រួចបុត្រា នោះ មាននៅក្នុងចំណោមពួកដែលត្រូវពន្លិចពន្លង់

ហើយគេថា ឱធរណី! ចូរអ្នក លេបទឹករបស់អ្នក។ ឱមេឃ! ចូរអ្នកបញ្ឈប់បង្អុរ ហើយទឹកក៏ត្រូវបានស្រកបទបញ្ជា ត្រូវបានសំរេច សំពៅត្រូវបានចតនៅលើភ្នំជូទី រួចគេថា ជាការឆ្ងាយបំផុតមួយសម្រាប់ ក្រុមមនុស្សអយុត្តិធម៌