Surah Hud Ayahs #29 Translated in Khmer

យ៉ាងប្រាកដណាស់ យើងបានចាត់បញ្ជូនណូហ៍ ឱ្យទៅ កាន់ក្រុមមនុស្សរបស់គាត់ ។ ការពិតយើងសម្រាប់ពួកអ្នក គឺជាអ្នកដែលដាស់តឿន ម្នាក់ដ៏ច្បាស់លាស់

ចូរពួកអ្នកកុំធ្វើប្រណិប័តន៍ក្រៅពីអល់ឡោះ ។ ការពិតយើង ខ្លាចក្រែងតែអ្នកទាំងអស់គ្នា ត្រូវទណ្ឌកម្មនាថ្ងៃមួយដ៏ខ្លោចផ្សាបំផុត

អ្នកមុខ អ្នកការរបស់អ្នកអជំនឿ ក្នុងចំណោមមនុស្សរបស់គាត់ថា យើងឃើញអ្នកគ្មានអ្វី ក្រៅពីជាមនុស្សម្នាក់ដូចតែយើងដែរនោះទេ ហើយយើងឃើញអ្នកគ្មានអ្វីក្រៅពីពួក ដែលថោកទាបនៃពួកយើង និងខ្វះការពិចារណានោះឡើយ ដែលបានគោរពតាមអ្នក នោះ។ យើងឃើញអ្នក គ្មានអ្វីលើសលប់ជាងពួកយើងនោះទេ ។ មិនតែប៉ុណ្ណោះ យើង គិតថា ពួកអ្នកគឺជាពួកដែលភូតកុហក

គាត់ថា ឱក្រុមមនុស្សរបស់យើង តើពួកអ្នក យល់ឃើញយ៉ាងណាដែរ ប្រសិនបើយើងស្ថិតនៅលើភាពច្បាស់ក្រឡែតពីម្ចាស់របស់ យើង ហើយលោកបានផ្តល់ឱ្យយើង នូវក្តីអាណិតអាសូរណាមួយពីលោក រួចមកគេ បានធ្វើឱ្យងងឹតស្លុបទៅលើពួកអ្នក តើពួកយើងចាំបាច់ដាក់ទៅឱ្យពួកអ្នកនូវក្តីអាណិត អាសូរនោះឬ? ក្នុងករណីដែលអ្នក ជាពួកស្អប់ខ្ពើមចំពោះក្តីអាណិតអាសូរនោះ

ឱមនុស្សរបស់យើង! យើងមិនមែនស្នើសុំដល់ពួកអ្នកនូវទ្រព្យសម្បត្តិណាមួយ នៅលើការងារនេះ ទេ។ រង្វាន់របស់យើង គ្មានអ្វីក្រៅពីនៅលើអល់ឡោះឡើយ។ ហើយយើងក៏ពុំមែនជាអ្នកដេញពួក ដែលមានជំនឿនោះដែរ។ ការពិតពួកគេ ជាពួកត្រូវជួបនឹងម្ចាស់របស់ពួកគេ។ ក៏ប៉ុន្តែយើងឃើញ ពួកអ្នកជាក្រុមឆោតល្ងង់