Surah Hud Ayahs #18 Translated in Khmer

ដូចនេះដែរ ប្រសិនបើពួកគេមិនអាចទទួលឆ្លើយតបចំពោះពួកអ្នកបាន ចូរពួក អ្នកជ្រាបថា គម្ពីរគួរអានត្រូវបានគេដាក់ចុះឱ្យ ដោយការដឹងរបស់អល់ឡោះសុទ្ធ សាធ ហើយគ្មានម្ចាស់ណាក្រៅពីលោកឡើយ ។ ហេតុនេះ តើពួកអ្នកជាអ្នកទទួល គោរពយ៉ាងណា?

ជនណាដែលប៉ងប្រាថ្នាជីវិតលោកិយ និងសម្ផស្ស របស់វា យើងនឹងបំពេញឱ្យពួកគេនៅក្នុងលោកិយ ។ ហើយពួកគេនៅក្នុងលោកិយនេះឥត ត្រូវគេបំបាត់ឡើយ

ពួកគេទាំងនេះ ជាពួកដែលគ្មានអ្វីសំរាប់ពួកគេនាថ្ងៃខាងមុខ ក្រៅពីនរកនោះទេ ។ ហើយនៅថ្ងៃនោះអសារឥតការទាំងអស់ អ្វីដែលពួកគេបាន សាង ព្រមទាំងឥតប្រយោជន៍ទៀត អ្វីដែលពួកគេធ្លាប់ប្រព្រឹត្តនោះ

ហេតុនេះ តើ(ពួកអត់ជំនឿដូច)ជនដែលស្ថិតនៅលើការជាក់ច្បាស់មួយពីម្ចាស់របស់គេ ហើយ សាក្សីម្នាក់កំពុងសូត្រគម្ពីរពីលោក ហើយនឹងគម្ពីរកាលពីមុននេះ គឺជាគម្ពីររបស់ មូសា ជាមគ្គុទ្ទេសន៍មួយ និងជាក្តីអាណិតអាសូរមួយ? ពួកគេមានជំនឿនឹងគម្ពីរ ។ ហើយជនដែលអត់ជំនឿនឹងគម្ពីរក្នុងចំណោមពួកបះបោរ ដូចនេះ នរកគឺជាទីសន្មត របស់គេ ។ ហេតុនេះ ចូរអ្នកកុំស្ថិតក្នុងការសង្ស័យពីគម្ពីរឱ្យសោះ។ ប្រាកដណាស់ គម្ពីរ គឺជាសច្ចភាពពីម្ចាស់របស់អ្នកមែន ក៏ប៉ុន្តែភាគច្រើនណាស់នៃមនុស្សមិនមាន ជំនឿ

ហើយជនណាម្នាក់ដែលអយុត្តិធម៌ ជាជាងអ្នកដែលប្រឌិតលើអល់ឡោះ នូវការភូតកុហកណាមួយ?។ ពួកគេទាំងនេះហើយ នឹងត្រូវគេបង្ហាញទៅលើម្ចាស់ របស់ពួកគេ ហើយមានសាក្សីទាំងឡាយនិយាយថា ពួកទាំងនេះហើយ ដែលបាន កុហកលើម្ចាស់ពួកគេ ។ បណ្តាសារបស់អល់ឡោះ ពិតជាត្រូវនៅលើពួកអយុត្តិធម៌