Surah Hud Ayahs #21 Translated in Khmer

ហេតុនេះ តើ(ពួកអត់ជំនឿដូច)ជនដែលស្ថិតនៅលើការជាក់ច្បាស់មួយពីម្ចាស់របស់គេ ហើយ សាក្សីម្នាក់កំពុងសូត្រគម្ពីរពីលោក ហើយនឹងគម្ពីរកាលពីមុននេះ គឺជាគម្ពីររបស់ មូសា ជាមគ្គុទ្ទេសន៍មួយ និងជាក្តីអាណិតអាសូរមួយ? ពួកគេមានជំនឿនឹងគម្ពីរ ។ ហើយជនដែលអត់ជំនឿនឹងគម្ពីរក្នុងចំណោមពួកបះបោរ ដូចនេះ នរកគឺជាទីសន្មត របស់គេ ។ ហេតុនេះ ចូរអ្នកកុំស្ថិតក្នុងការសង្ស័យពីគម្ពីរឱ្យសោះ។ ប្រាកដណាស់ គម្ពីរ គឺជាសច្ចភាពពីម្ចាស់របស់អ្នកមែន ក៏ប៉ុន្តែភាគច្រើនណាស់នៃមនុស្សមិនមាន ជំនឿ

ហើយជនណាម្នាក់ដែលអយុត្តិធម៌ ជាជាងអ្នកដែលប្រឌិតលើអល់ឡោះ នូវការភូតកុហកណាមួយ?។ ពួកគេទាំងនេះហើយ នឹងត្រូវគេបង្ហាញទៅលើម្ចាស់ របស់ពួកគេ ហើយមានសាក្សីទាំងឡាយនិយាយថា ពួកទាំងនេះហើយ ដែលបាន កុហកលើម្ចាស់ពួកគេ ។ បណ្តាសារបស់អល់ឡោះ ពិតជាត្រូវនៅលើពួកអយុត្តិធម៌

ពួកដែលរំខានពីមាគ៌ារបស់អល់ឡោះ ហើយពួកគេខំព្យាយាមធ្វើឱ្យមាគ៌ានេះ ទៅជាផ្លូវៀចវេរ ហើយពួកគេចំពោះថ្ងៃបរលោក ពួកគេគឺជាពួកដែលគ្មានជំនឿ

ពួកគេទាំងនេះ ពុំមែនជាពួកអាចគេចផុតនៅលើភពផែនដីបានទេ ។ ហើយពួកគេក៏ គ្មានពួកអ្នកគាំពារក្រៅពីអល់ឡោះដែរ ។ សំរាប់ពួកគេនឹងត្រូវគេទ្វេទណ្ឌកម្ម ។ ពួក គេមិនដែលមានលទ្ធភាពឮទេ ហើយពួកគេក៏មិនដែលមើលឃើញដែរ

ពួកគេទាំង នោះហើយដែលខាតបង់ខ្លួនពួកគេផ្ទាល់ ហើយអ្វីដែលពួកគេធ្លាប់បានប្រឌិតសោត ក៏ បានវង្វេងបាត់ពីពួកគេដែរ