Surah At-Tawba Ayahs #102 Translated in Khmer

ហើយក្នុងចំណោមពួកអារ៉ាប់ជនបទ មានជនដែលចាត់ទុកអ្វី ដែលខ្លួនចាយជាទាន ឬក្នុងការប្រយុទ្ធនោះ គឺជាបំណុលដ៏ធ្ងន់ធ្ងរ ទន្ទឹមនឹងនោះ ជននោះ បានទន្ទឹងរង់ចាំអពមង្គលដែលធ្លាក់ដល់ពួកអ្នក។ ពួកគេត្រូវទទួលអកុសលអពមង្គល ហើយអល់ឡោះជាអ្នកដែលឮបំផុត ជាអ្នកដែលដឹងបំផុត

ក្នុងចំណោមពួកអារ៉ាប់ ជនបទ មានជនដែលជឿលើអល់ឡោះ និងថ្ងៃអវសានឱ្យ ហើយជននោះចាត់ទុកអ្វីដែល ខ្លួនចាយជាទានក្នុងផ្លូវរបស់អល់ឡោះ គឺជាវិធីកៀកជិតបំផុត ទៅកាន់អល់ឡោះ និង ជាកំរៃនៃរាល់ការបួងសួងរបស់រ៉សូល។ ជាការពិតណាស់ ទានទាំងនោះ ពិតជាកៀក ជិតបំផុតសំរាប់ពួកគេ។ អល់ឡោះនឹងបញ្ចូលពួកគេទៅក្នុងក្តីអាណិតអាសូររបស់ លោក ។ អល់ឡោះពិតជាអ្នកដែលអភ័យទោសឱ្យ ជាអ្នកអាណិតអាសូរបំផុត

ពួកឈានមុខដំបូងគេបង្អស់ក្នុងចំណោមពួកមូហាជៀរ និងពួកអាន់ស័រ និងពួកអ្នកដែល បានប្រតិបត្តិតាមពួកគេទាំងនោះដោយគុណធម៌ អល់ឡោះបានពេញចិត្តចំពោះពួកគេ ហើយពួកគេក៏បានពេញចិត្តចំពោះលោកដែរ ហើយលោកបានរៀបចំបំរុងសំរាប់ពួកគេ នូវស្ថានសួគ៌ជាច្រើនដែលមានទន្លេហូរកាត់ពីក្រោម ដោយស្ថិតនៅជាអនន្តកាលដ៏យូរ លង់ក្នុងនោះ។ ទាំងនោះគឺជាជោគជ័យដ៏ធំធេង

ភាគខ្លះនៃជនដែលមាននៅជុំវិញ ពួកអ្នកក្នុងចំណោមពួកអារ៉ាប់ជនបទនោះ មានពួកពុតត្បុត ហើយក្នុងចំណោមអ្នកក្រុង ម៉ាឌីណះក៏មានដែរ ពួកគេទាំងអស់នោះបានចចេសលើពុតត្បុត ដែលអ្នកមិនបានដឹង ចំពោះពួកគេនោះទេ ប៉ុន្តែយើងជាអ្នកដឹងចំពោះពួកគេទាំងនោះ។ យើងនឹងធ្វើទណ្ឌកម្ម ពួកគេពីរដង ក្រោយមកគេនឹងបញ្ជូនពួកគេទាំងនោះទៅកាន់ទណ្ឌកម្មដ៏ធំសម្បើម

ពួកផ្សេងទៀតទទួលស្គាល់បាបកម្មៗរបស់ពួកគេ ពួកគេក៏បានលាយច្របូកច្របល់អំពើ កុសល និងអំពើអកុសលផ្សេងទៀត។ រំពឹងថា អល់ឡោះនឹងអនុគ្រោះទៅលើពួកគេ។ អល់ឡោះពិតជាអភ័យទោសឱ្យ អាណិតអាសូរបំផុត