Surah At-Tawba Ayahs #71 Translated in Khmer

ពួកបុរសពុតត្បុត និងនារីពុតត្បុត ភាគខ្លះរបស់ពួកគេនៃភាគខ្លះ បង្គាប់បញ្ជាគ្នាឱ្យប្រព្រឹត្តអំពើ ដែលគួរឱ្យស្អប់ខ្ពើម និងហាមឃាត់គ្នាពីប្រព្រឹត្តអំពើសមរម្យ ហើយពួកគេក្តាប់ដៃ របស់ពួកគេយ៉ាងណែន ពួកគេបានភ្លេចអល់ឡោះ ហើយអល់ឡោះក៏បានបំភ្លេច ពួកគេវិញដែរ ពួកពុតត្បុត គឺពិតជាពួកដែលខិលខូច

អល់ឡោះបានសន្យា ចំពោះពួកបុរសពុតត្បុត និងពួកនារីពុតត្បុត ព្រមទាំងពួកអជំនឿ នូវនរកអវិចី ដោយស្ថិតជាអនន្តកាលនៅក្នុងនរក។ នរកគឺជាការសក្តិសមរបស់ពួកគេ ហើយ អល់ឡោះបានផ្តន្ទាទោសពួកគេ រួចសំរាប់ពួកគេគឺទណ្ឌកម្មជាប់ជានិច្ចនិរន្តន៍

ពួកគេប្រព្រឹត្តដូចពួកជំនាន់មុនៗរបស់ពួកអ្នកដែរ ពួកគេមានថាមពលខ្លាំង ក្លាជាងពួកអ្នក ហើយសំបូរទ្រព្យធន និងបុត្រ រួចគេបានត្រេកត្រអាលនឹង វាសនារបស់ពួកគេ ហើយពួកអ្នកក៏បានត្រេកត្រអាលនឹងវាសនារបស់ពួកអ្នក ដែរ ដូចជាអ្វីដែលពួកជំនាន់មុនៗរបស់ពួកអ្នក បានត្រេកត្រអាលនឹងវាសនា របស់ពួកគេ ហើយពួកអ្នកបាននិយាយប៉ប៉ាច់ប៉ប៉ោច ដូចដែលពួកគេធ្លាប់ បាននិយាយប៉ប៉ាច់ប៉ប៉ោច។ ពួកទាំងនោះ អំពើទាំងឡាយរបស់ពួកគេ ទាំង ក្នុងលោកិយ និងបរលោក បានរលាយសាបសូន្យ។ ពួកទាំងនោះហើយ គឺជាពួកដែលខាតបង់

តើពុំទាន់ដល់ទៅពួកគេទេឬ នូវរឿងនិទានពី ជំនាន់មុនៗរបស់ពួកគេ ក្រុមរបស់ណូហ៍ ក្រុមរបស់អាទ ក្រុមរបស់សាមូទ និងក្រុមរបស់អ៊ីព្រហ៊ីម អ្នកស្រុកភូមិរបស់ម៉ាទយ៉ាន និងពួកមុតាហ្វីកាត។ រ៉សូលទាំងឡាយរបស់ពួកគេ បាននាំទៅដល់ពួកគេ នូវភស្តុតាងដ៏ជាក់ ស្តែងទាំងឡាយ។ គឺអល់ឡោះ ពុំមែនដើម្បីលោកនឹងបំពារបំពានចំពោះពួក គេទាំងនោះទេ ក៏ប៉ុន្តែពួកគេទេដែលបានបំពារបំពានចំពោះខ្លួនពួកគេ ផ្ទាល់នោះ

បុរសៗដែលមានជំនឿ និងនារីៗជំនឿ ភាគខ្លះនៃពួកគេ គឺ ជាសម្ព័ន្ធមិត្តរបស់ភាគខ្លះ ពួកគេបានបង្គាប់គ្នានូវអំពើសមរម្យ និងហាម ឃាត់គ្នាពីអំពើត្រូវស្អប់ខ្ពើម ពួកគេបានបញ្ឈរសឡាតិ៍ និងបានផ្តល់ហ្សាកាតិ៍ ហើយពួកគេគោរពប្រតិបត្តិអល់ឡោះ និងរ៉សូលរបស់លោក ពួកទាំងនេះ អល់ឡោះនឹងអាណិតអាសូរពួកគេ អល់ឡោះពិតជាអ្នកដែលពលានុពល មហាគតិបណ្ឌិត