Surah At-Tawba Ayahs #28 Translated in Khmer

ចូរថាទៅ ប្រសិនបើមាតាបិតារបស់ពួកអ្នក បុត្រទាំងឡាយរបស់ពួកអ្នក និងបងប្អូន ទាំងឡាយរបស់ពួកអ្នក និងភរិយាទាំងឡាយរបស់ពួកអ្នក និងបក្ខសម្ព័ន្ធពង្សរបស់ ពួកអ្នក និងទ្រព្យធនទាំងឡាយដែលពួកអ្នករកវាបានមក និងពាណិជ្ជកម្មដែលពួកអ្នក កំពុងខ្លាចឱនភាពវា និងលំនៅឋានដែលពួកអ្នកកំពុងពេញចិត្តវាទាំងអស់នោះ ជាទី ស្រឡាញ់បំផុតចំពោះពួកអ្នក ជាងស្រឡាញ់អល់ឡោះ និងរ៉សូលរបស់លោក និងជាង ការតស៊ូក្នុងផ្លូវរបស់លោកទៀត ពេលនោះ ចូរពួកអ្នកទន្ទឹងរង់ចាំទៅចុះរហូតទាល់តែ អល់ឡោះនឹងនាំមកនូវបទបញ្ជារបស់លោក។ ហើយអល់ឡោះនឹងមិនមគ្គុទ្ទេសឡើយ ចំពោះក្រុមមនុស្សខិលខូច

អល់ឡោះបានជួយពួកអ្នកយ៉ាងប្រាកដ នៅទីកន្លែង នានាជាច្រើនបំផុត។ ហើយចូរពួកអ្នករំលឹកនៅថ្ងៃសមរភូមិហ៊ូណែន ក្នុងពេលដែល ចំនួនច្រើនរបស់ពួកអ្នក បានបង្កើតមោទនភាពដល់ពួកអ្នក ពេលនោះ ចំនួនច្រើនពុំអាច ផ្តល់អត្ថប្រយោជន៍ដល់ពួកអ្នកបានបន្តិចឡើយ ហើយដីដែលធ្លាប់តែទូលំទូលាយនោះ ក៏បែរជាចង្អៀតចំពោះពួកអ្នកវិញ ក្រោយមក ពួកអ្នកបានបែរចេញដោយឱ្យខ្នង

ក្រោយមក អល់ឡោះក៏បានដាក់ចុះនូវភាពស្ងប់ស្ងាត់របស់លោកទៅលើរ៉សូលរបស់ លោក និងទៅលើពួកដែលមានជំនឿ ហើយលោកបានដាក់ចុះនូវកងទ័ព (ម៉ាឡាអ៊ី កាត់)ទាំងឡាយដែលពួកអ្នកមិនអាចមើលឃើញទ័ពនោះឡើយ រួចមកលោកបានធ្វើ ទណ្ឌកម្មពួកដែលមិនបានជឿ ទាំងនេះហើយ ជារង្វាន់របស់ពួកដែលគ្មានជំនឿ

បន្ទាប់ពីទាំងនេះមក អល់ឡោះនឹងទទួលយកវិប្បដិសារីទៅលើជន ដែលលោកប្រាថ្នា ហើយអល់ឡោះជាអ្នកដែលអភ័យទោសឱ្យ ជាអ្នក ដែលអាណិតអាសូរបំផុត

ឱបណ្តាពួកដែលមានជំនឿ! ការពិត ពួកស៊ីរិក សុទ្ធតែកខ្វក់ ចូរកុំឱ្យពួកគេទៅក្បែរម៉ាស្ជីទីលហារ៉ម បន្ទាប់ ពីឆ្នាំពួកគេនេះទៅ ហើយប្រសិនបើពួកអ្នកបានខ្លាចភាពក្រីក្រ ពេល នោះ អល់ឡោះនឹងធ្វើឱ្យមានបាន ដោយសារសប្បុរសរបស់លោក ប្រសិនបើលោកមានប្រាថ្នា អល់ឡោះពិតជាដឹង មហាគតិបណ្ឌិត