Surah At-Tawba Ayahs #31 Translated in Khmer

បន្ទាប់ពីទាំងនេះមក អល់ឡោះនឹងទទួលយកវិប្បដិសារីទៅលើជន ដែលលោកប្រាថ្នា ហើយអល់ឡោះជាអ្នកដែលអភ័យទោសឱ្យ ជាអ្នក ដែលអាណិតអាសូរបំផុត

ឱបណ្តាពួកដែលមានជំនឿ! ការពិត ពួកស៊ីរិក សុទ្ធតែកខ្វក់ ចូរកុំឱ្យពួកគេទៅក្បែរម៉ាស្ជីទីលហារ៉ម បន្ទាប់ ពីឆ្នាំពួកគេនេះទៅ ហើយប្រសិនបើពួកអ្នកបានខ្លាចភាពក្រីក្រ ពេល នោះ អល់ឡោះនឹងធ្វើឱ្យមានបាន ដោយសារសប្បុរសរបស់លោក ប្រសិនបើលោកមានប្រាថ្នា អល់ឡោះពិតជាដឹង មហាគតិបណ្ឌិត

ចូរពួកអ្នកប្រយុទ្ធនឹងពួកដែលមិនព្រមជឿអល់ឡោះ មិនព្រម ជឿថ្ងៃអវសាន មិនព្រមជឿនូវបំរាម ដែលអល់ឡោះ និងរ៉សូល របស់លោកបានហាមឃាត់ និងមិនព្រមកាន់សាសនា នូវសាសនា សច្ចធម៌ ក្នុងចំណោមពួកដែលគេបានផ្តល់ជូននូវគម្ពីរ ទាល់តែ ពួកគេបង់ពន្ធខ្លួនដោយផ្ទាល់ដៃ ទាំងពួកគេជាពួកបន្ទាបខ្លួន

ពួក យ៉ាហ៊ូទថា អ៊ូហ្សៀរជាបុត្រារបស់អល់ឡោះ។ ពួកណាសារ៉បាន និយាយថា ម៉ាសៀហជាបុត្រារបស់អល់ឡោះ ទាំងអស់នេះ គឺជាសំដី របស់ពួកគេដោយបបូរមាត់ពួកគេផ្ទាល់ ពួកគេទាំងនេះ កំពុងត្រាប់ តាមសំដីរបស់ពួកដែលមិនបានជឿនៃសម័យកាលមុន។ អល់ឡោះក៏ បានបំផ្លាញសាបសូន្យនូវពួកគេទាំងនោះ ហេតុម្តេចបានជាពួកគេ ងាកពីសច្ចភាព

ពួកគេបានទទួលយកបព្វជិតយ៉ាហ៊ូទរបស់ពួក គេ និងបព្វជិតណាសារ៉របស់ពួកគេ និងម៉ាសៀហបុត្រារបស់ម៉ារីយ៉ាំ ធ្វើជាម្ចាស់ក្រៅពីអល់ឡោះ ក្នុងខណៈដែលពួកគេមិនបានបង្គាប់ឱ្យ ពួកគេទាំងនោះឡើយ ក្រៅពីដើម្បីឱ្យពួកគេគោរពប្រណិប័តន៍ទៅ កាន់ម្ចាស់ជាទីសក្ការៈតែមួយគត់ គ្មានម្ចាស់ជាទីសក្ការៈណាក្រៅពី លោកទេ មហាកត្តិគុណលោក អំពីអ្វីដែលពួកគេបានធ្វើស៊ីរិក