Surah At-Tawba Ayahs #121 Translated in Khmer

ប្រាកដណាស់ អល់ឡោះបានត្រាប្រណីទៅលើណាពី និងពួក ភៀសខ្លួន និងពួកជួយឧបត្ថម្ភ ដែលពួកគេទាំងនោះ បានប្រតិបត្តិតាមណាពីនៅ ក្នុងកាលៈទេសៈមួយដ៏លំបាក បន្ទាប់ពីទឹកចិត្តរបស់ក្រុមមួយក្នុងចំណោមពួកគេ ទាំងនោះហៀបតែនឹងងាករេ។ ក្រោយមក លោកបានត្រាប្រណីទៅលើពួកគេ។ ពីព្រោះលោកពិតជាអ្នកដែលករុណា អាណិតអាសូរបំផុតចំពោះពួកគេ

ហើយលោកបានត្រាប្រណីទៅលើអ្នកទាំងបី ដែលបានគេចពីសមរភូមិ រហូត ដល់ដីដែលធ្លាប់តែទូលំទូលាយនោះ ក៏ត្រូវប្រែក្លាយទៅជាចង្អៀតសម្រាប់ពួក គេទៅវិញ ហើយខ្លួនប្រាណពួកគេក៏ត្រូវអួលណែន ព្រមទាំងពួកគេបានគិតថា គ្មានទីជ្រកគេចពីអល់ឡោះទេ មានតែវិលទៅកាន់អល់ឡោះ ក្រោយមកលោក បានត្រាប្រណីទៅលើពួកគេ ដើម្បីឱ្យពួកគេកើតវិប្បដិសារី។ អល់ឡោះលោក ពិតជាអ្នកដែលទទួលវិប្បដិសារីបំផុត អាណិអាសូរក្រៃលែង

ឱពួកដែល មានជំនឿ! ចូរពួកអ្នកគោរពកោតខ្លាចអល់ឡោះ ហើយចូរពួកអ្នកស្ថិតនៅរួម ជាមួយពួកទៀងត្រង់

ពួកអ្នកក្រុងម៉ាឌីណះ និងពួកអារ៉ាប់ជនបទដែលនៅ ជុំវិញពួកក្រុងម៉ាឌីណះ គ្មានសិទ្ធិនឹងគេចនៅពីក្រោយរ៉សូលរបស់អល់ឡោះបាន ទេ ហើយពួកគេក៏មិនស្រលាញ់ខ្លួនពួកគេផ្ទាល់ជាងរូបរ៉សូលផងដែរ។ ទាំងនេះ បណ្តាលមកពីពួកគេទាំងនោះនៅរាល់ដង ដែលមានការស្រេកឃ្លាន មានការ ហត់នឿយ និងមានការអត់ឃ្លាន ប៉ះពាល់ដល់ពួកគេក្នុងផ្លូវរបស់អល់ឡោះ និង រាល់ដងដែលពួកគេជាន់នៅទីណាមួយ នឹងដុតកំហឹងដល់ពួកដែលអជំនឿ និង រាល់ដងដែលពួកគេរងគ្រោះពីសត្រូវ នូវគ្រោះថ្នាក់ណាមួយ សុទ្ធតែត្រូវបានគេ?ចារទុកសំរាប់ពួកគេ នូវអំពើកុសលមួយ ដោយសារតែករណីទាំងនោះ។ អល់ឡោះ ពិតជានឹងមិនបំបាត់ឡើយ ចំពោះរង្វាន់របស់ពួកដែលគុណធម៌

ពួកគេនឹងចាយនូវចំណាយណាមួយ ទោះតូចក្តី ធំក្តី ហើយពួកគេនឹងឆ្លងកាត់នូវ ជ្រលងភ្នំណាមួយ សុទ្ធតែត្រូវបានគេចារទុកសំរាប់ពួកគេ ដើម្បីអល់ឡោះនឹង ជូនរង្វាន់ទៅឱ្យពួកគេ ល្អប្រសើបំផុតនូវអ្វីដែលពួកគេធ្លាប់បានប្រព្រឹត្តនោះ