Surah At-Tawba Ayahs #115 Translated in Khmer

ការពិតអល់ឡោះបានទិញពីអ្នកមានជំនឿ នូវខ្លួនប្រាណពួកគេផ្ទាល់ និងទ្រព្យ ធនពួកគេ ដោយស្ថានសួគ៌ ដែលពិតជាត្រូវបានទៅពួកគេ។ ពួកគេកំពុងប្រយុទ្ធ ក្នុងផ្លូវរបស់អល់ឡោះ ពេលនោះពួកគេធ្វើពិឃាត និងត្រូវបានគេពិឃាត។ គឺ ជាការសន្យាមួយលើលោក ប្រកបដោយភាពពិតប្រាកដក្នុងតាវរ៉ាត អិនជីល និងគួរអាន តើជនណាម្នាក់ដែលបានបំពេញការសន្យារបស់លោក ជាងអល់ឡោះ ទៅទៀត ? ដូចនេះ ចូរពួកអ្នករីករាយចុះនឹងការលក់ដូររបស់ពួកអ្នក ដែលពួក អ្នកបានលក់ដូរនោះ ហើយទាំងនេះ វាគឺជាការជោគជ័យមួយដ៏ធំសម្បើម

ពួកទទួលកំហុស ពួកប្រណិប័តន៍ ពួកសរសើរស្ញប់ស្ញែង ពួកត្រាច់ចរសាសនា ឬពួកសោម ពួកដែលរូកុ ពួកដែលសូជោត ពួកដែលបង្គាប់ឱ្យសាងអំពើល្អ ពួក ដែលហាមឃាត់ពីអំពើអាក្រក់ ហើយនិងពួកដែលរក្សាបញ្ញត្តិៗរបស់អល់ឡោះ ចូរពួកអ្នកជូនក្តីរីករាយទៅចំពោះពួកដែលមានជំនឿ

ណាពី ព្រមទាំង ពួកដែលមានជំនឿ គ្មានសិទ្ធិនឹងសុំអភ័យទោសឱ្យដល់ពួកដែលបានធ្វើស៊ីរិកទេ ទោះបីពួកគេទាំងនោះ ជាញាតិមិត្តជិតស្និទ្ធក៏ដោយ បន្ទាប់ពីបានលេចជាក់ ច្បាស់ចំពោះពួកគេថា ពួកគេពិតជាពួកនរកឆាបឆេះ

ការសុំអភ័យទោស របស់អ៊ីព្រហ៊ីមឱ្យទៅបិតារបស់គាត់ ក៏ឥតមានដែរ ប្រសិនបើគ្មានមូលហេតុមក ពីការសន្យាមួយ ដែលគាត់បានសន្យារួចទៅកាន់បិតារបស់គាត់។ ក្រោយមក នៅខណៈដែលបានលេចជាក់ច្បាស់ចំពោះគាត់ថា បិតារបស់គាត់ ពិតជាសត្រូវ ចំពោះអល់ឡោះ គាត់ក៏បានបដិសេធពីការសន្យានោះវិញ។ អ៊ីព្រហ៊ីម ពិតជា ពោរពេញទៅដោយការទន់ភ្លន់ និងអត់អោនបំផុត

ហើយអល់ឡោះ លោកនឹងមិនបំភាន់វង្វេងក្រុមមនុស្សណាមួយទេ បន្ទាប់ពីឱកាសដែលលោក បានធ្វើមគ្គុទ្ទេសន៍ពួកគេហើយនោះ ទាល់តែលោកបកស្រាយយ៉ាងច្បាស់ទៅ កាន់ពួកគេនូវអ្វីដែលពួកគេត្រូវកោតខ្លាច។ អល់ឡោះពិតជាអ្នកដែលដឹងបំផុត នូវគ្រប់វត្ថុទាំងអស់