Surah Ash-Shura Ayahs #31 Translated in Khmer

ហើយប្រសិនបើអល់ឡោះបានលាតសន្ធឹងបរិលាភជូនមនុស្សរបស់លោក ពួកគេ ពិតជាបានរំលោភបំពាននៅលើផែនដី ក៏ប៉ុន្តែលោកបានដាក់ចុះតាមកំរិតមួយ នៃអ្វីដែល លោកប្រាថ្នា លោកពិតជាអ្នកដឹង ជាអ្នកឃើញបំផុត ចំពោះមនុស្សរបស់លោក

ហើយ លោកបានដាក់ចុះនូវទឹកភ្លៀង បន្ទាប់ពីពួកគេបានអស់សង្ឃឹម ហើយលោកពង្រាយ នូវការ អាណិតស្រលាញ់របស់លោក។ ហើយលោកជាអ្នកគាំពារ ជាអ្នកត្រូវកោតសរសើរ

ក្នុង ចំណោមភស្តុតាងរបស់លោក គឺការបង្កើតមេឃ និងដី ព្រមទាំងសត្វដែលលោកបានពង្រាយ នៅឯភពទាំងពីរ។ ហើយលោកជាអ្នកមានសមត្ថភាពបំផុត នៅលើការប្រមូលផ្តុំទាំងអស់ នោះ កាលណាលោកមានបំណងប្រាថ្នា

ហើយគ្រោះនីមួយៗ ដែលបានប៉ះទង្គិចដល់ ពួកអ្នក គឺបណ្តាលមកពីអ្វីដែលពួកអ្នកបានខំប្រឹងធ្វើ ហើយលោកអធ្យាស្រ័យឱ្យ អំពីករណី ច្រើនបំផុត

ហើយពួកអ្នក ពុំមែនជាពួកដែលធ្វើឱ្យទន់ខ្សោយនៅឯភពផែនដីទេ។ ហើយ ក្រៅពីអល់ឡោះ ពួកអ្នកគឺគ្មានអ្នកគាំពារណាម្នាក់ហើយក៏គ្មានអ្នកណាជួយម្នាក់ដែរ