Surah Ash-Shura Ayahs #24 Translated in Khmer

ជនណាដែលប្រាថ្នាចង់បាន (ផល) ចំការលោកខាងមុខ យើងនឹងថែមជូនជននោះ នៅក្នុងចំការជននោះ។ ហើយជនណាដែលប្រាថ្នាចង់បានចំការតែលោកិយ យើងនឹងផ្តល់ឱ្យជន នោះនៃលោកិយ ហើយនៅឯលោកខាងមុខ ជននោះគ្មានចំណែកណា មួយសោះឡើយ

ឬមួយពួកគេមានវត្ថុស៊ីរិក ដែលបានដាក់ច្បាប់ នៃសាសនាឱ្យពួកគេ ដោយអល់ឡោះមិនអនុញ្ញាតករណីនេះ។ ហើយ ប្រសិនបើគ្មានសំដីសម្រេចទេ ប្រាកដជាត្រូវសម្រេចរវាងពួកគេ។ ហើយ ពួកអយុត្តិធម៌សម្រាប់ពួកគេ ពិតជាទណ្ឌកម្មមួយដ៏សែនខ្លោចផ្សា

អ្នកនឹងឃើញពួកអយុត្តិធម៌ ជាពួកភ័យរន្ធត់ពីអ្វីដែលពួកគេបានខំប្រឹងធ្វើ វាក៏នឹងធ្លាក់លើពួកគេ។ រីឯពួកដែលបានជឿ និងបានប្រព្រឹត្តអំពើកុសល ទាំងឡាយ គឺនៅក្នុងសួនឧទ្យានៗនៃស្ថានសួគ៌។ ពួកគេមានអ្វីដែលពួក គេប្រាថ្នានៅឯម្ចាស់ពួកគេ។ នោះហើយគឺឧត្តមភាពដ៏មហាធំធេង

នោះហើយដែលអល់ឡោះផ្តល់ដំណឹងរីករាយ ចំពោះពួកដែលគោរពលោក ដែលបានជឿ និងបានប្រព្រឹត្តអំពើកុសលទាំងឡាយ។ ថាទៅ យើងមិនស្នើសុំចំពោះពួកអ្នក នូវថ្លៃឈ្នួលណា មួយនៅលើករណីនេះទេ ក្រៅពីការអាណិតស្រឡាញ់ នៅក្នុងញាតិសន្តានជិតមួយ។ ហើយ ជនណាដែលបានប្រព្រឹត្តនូវកុសលមួយ យើងនឹងថែមឱ្យជននោះ នូវកុសលមួយទៀតនៅក្នុង កុសលនោះ។ អល់ឡោះពិតជាអ្នកអភ័យទោសឱ្យ ជាអ្នកតបស្នង

ឬមួយពួកគេនិយាយ ប្រឌិតទៅលើអល់ឡោះ នូវការភូតកុហកមួយ បើអល់ឡោះប្រាថ្នា លោកពិតជានឹងបិទភ្ជិត នៅលើចិត្តអ្នក។ ហើយអល់ឡោះនឹងលុបចោល នូវអំពើខុសឆ្គង រួចមក លោកនឹងសម្រេច នូវសច្ចភាពដោយសារសំដីៗលោក។ លោកពិតជាអ្នកដឹងបំផុត នូវអ្វីៗដែលមានក្នុងទ្រូង