Surah Ar-Rad Ayahs #25 Translated in Khmer

និងពួកដែលតភ្ជាប់អ្វីដែលអល់ឡោះបានដាក់បញ្ជាឱ្យ គេតភ្ជាប់ ហើយពួកគេកំពុងកោតញញើតម្ចាស់របស់ពួកគេ និងកោតខ្លាចចំពោះអកុសល នៃការទូទាត់

ពួកដែលបានស៊ូទ្រាំ ដើម្បីស្វែងរកការយល់ព្រមពីម្ចាស់របស់ពួកគេ ពួក គេបញ្ឈរសាឡាតិ៍ ហើយនឹងពួកគេបានចំណាយទាំងកំបាំង និងចំហនូវភាគខ្លះនៃអ្វីដែល យើងបានផ្តល់ជារ៉ីសគីដល់ពួកគេ ព្រមទាំងពួកគេរុញច្រានអំពើអកុសល ដោយអំពើកុសល ពួកគេទាំងអស់នេះហើយ ដែលពួកគេមានទីបញ្ចប់ល្អនៃលំនៅដ្ឋាន

គឺសួគ៌ារម្យស្ថាន ពួកគេនឹងចូលសួគ៌ានោះ ព្រមទាំងអ្នកដែលសាងកុសល ក្នុងចំណោមជីដូនជីតារបស់ពួក គេ ភរិយាពួកគេ និងបច្ឆាញាតិពួកគេ។ ហើយពួកម៉ាឡាអ៊ីកាត់នឹងចូលទៅកាន់ពួកគេមក ពីគ្រប់ទ្វារ

ក្តីបរមសុខទៅដល់ពួកអ្នក ដោយសារតែពួកអ្នកបានស៊ូទ្រាំ។ ដូចនេះ ប្រសើរបំផុតទីបញ្ចប់នៃលំនៅដ្ឋាន

រីឯពួកដែលបំផ្លាញសន្យារបស់អល់ឡោះ បន្ទាប់ ពីសន្យាវារួច ហើយពួកគេកាត់ផ្តាច់អ្វីដែលអល់ឡោះបានដាក់បញ្ជាឱ្យគេតភ្ជាប់ ហើយពួក គេប្រព្រឹត្តវឹកវរនៅលើដី។ ពួកទាំងនោះ សំរាប់ពួកគេ គឺបណ្តាសា ហើយសំរាប់ពួកគេ គឺអកុសលនៃលំនៅដ្ឋាន