Surah An-Nisa Ayahs #92 Translated in Khmer

តើអ្វីដែលធ្វើឱ្យពួកអ្នកទៅជាពីរក្រុមក្នុងរឿងពួកពុតត្បុត។ ក្នុងករណីអល់ឡោះបានរុញច្រានពួកគេដោយសារតែអ្វីដែលពួកគេខិតខំសាងមក។ តើពួកអ្នកមានបំណងមគ្គុទ្ទេសជនដែលអល់ឡោះបានបន្សាត់ឬ?។ ជនណាដែលអល់ឡោះបន្សាត់អ្នកមិនអាចប្រទះផ្លូវណាមួយជូនជននោះឡើយ

ពួកគេបាននឹកមមៃថា បើសិនពួកអ្នកអជំនឿដូចដែលពួកគេបានអជំនឿ ពេលនោះពួកអ្នកក្លាយទៅជាដូចគ្នា។ ហេតុនេះចូរពួកអ្នកកុំយកពួកគេខ្លះធ្វើជាសម្ព័ន្ធមិត្ត ទាល់តែពួកគេភៀសខ្លួនក្នុងបុព្វហេតុមាគ៌ាអល់ឡោះ។ បើសិនពួកគេបែរទៅវិញឱ្យ ចូរពួកអ្នកចាប់ខ្លួនពួកគេហើយចូរធ្វើឃាតពួកគេនៅទីណាដែលពួកអ្នកបានប្រទះពួកគេ។ ហើយចូរពួកអ្នកកុំយកពួកគេខ្លះធ្វើជាសម្ព័ន្ធមិត្តនិងជាជំនួយការ

លើកលែងតែពួកដែលជាប់ពាក់ព័ន្ធទៅក្រុមមួយ ដែលមានសទ្ធិសញ្ញាមួយរវាងពួកអ្នកនិងពួកគេ ឬពួកគេបានមកដល់ពួកអ្នកទាំងពួកគេតឹងទ្រូងដោយការបង្កសង្គ្រាមជាមួយពួកអ្នក ឬក៏ប្រយុទ្ធជាមួយក្រុមពួកគេ។ បើសិនអល់ឡោះប្រាថ្នាលោកនឹងផ្តល់ឱ្យពួកគេមានអំណាចលើពួកអ្នក ហើយពួកគេក៏ប្រយុទ្ធនឹងពួកអ្នក។ ហេតុនេះបើពួកគេបានដកថយពីពួកអ្នក និងមិនប្រយុទ្ធនឹងពួកអ្នក ហើយបានដាក់ជូនពួកអ្នកនូវសន្តិភាព ពេលនោះអល់ឡោះមិនបានបើកឱ្យពួកអ្នកមានផ្លូវណាមួយលើពួកគេទេ

ពួកអ្នកគង់តែនឹងប្រទះពួកផ្សេង ដែលមានបំណងចង់បានសន្តិភាពនឹងពួកអ្នកសន្តិភាពនឹងក្រុមពួកគេ។ នៅរាល់ដងដែលពួកគេត្រូវបានបបួលទៅកាន់ភាពចលាចល ពួក គេបានស្ទុះយ៉ាងលឿនទៅក្នុងភាពចលាចលនោះ។ ដូចនេះបើពួកគេមិនដកថយពីពួកអ្នកទេ មិនដាក់សន្តិភាពជូនពួកអ្នកទេ ហើយក៏មិនទប់ដៃពួកគេ (ពីសង្គ្រាម) ដែរចូរពួកអ្នកចាប់ខ្លួនពួកគេ ធ្វើឃាតពួកគេទៅ នៅទីណាដែលពួកអ្នកបានជួបពួកគេ។ នេះហើយដែលយើងបានបង្កើតឱ្យពួកអ្នកមានសំអាងយ៉ាងច្បាស់ទៅលើពួកគេ

អ្នកមានជំនឿគ្មានសិទ្ធិនឹងធ្វើឃាតអ្នកមានជំនឿទេ លើកលែងដោយអចេតនា។ ហើយបុគ្គលណាបានធ្វើឃាតជនមានជំនឿ ដោយអចេតនាត្រូវលោះខ្ញុំគេម្នាក់ដែលជាអ្នកមានជំនឿ និង សំណងជំងឺចិត្ត ត្រូវប្រគល់ជូនទៅគ្រួសារសព លើកលែងតែពួកគេបានដាក់ទាន។ បើសិនសពនោះ ជាមនុស្សក្នុងក្រុមសត្រូវរបស់ពួកអ្នក ហើយគេជាអ្នកដែលមានជំនឿត្រូវលោះខ្ញុំគេម្នាក់ដែលជាអ្នកមានជំនឿ។ បើសពនោះជាមនុស្សក្នុងក្រុមមួយ ដែលមានសិទ្ធិសញ្ញាមូយរវាងពួកអ្នកនិងពួកគេ គឺសំណងជំងឺចិត្តមួយឱ្យ ត្រូវប្រគល់ជូនទៅគ្រួសារសពនិងត្រូវលោះខ្ញុំគេម្នាក់ ដែលជាអ្នកមានជំនឿ។ ចំពោះជនណា??ដែលគ្មានលទ្ធភាព គឺត្រូវសោមពីរខែជាប់គ្នាដើម្បីជាការសោកស្តាយមួយដែលទទួលអំពីអល់ឡោះ។ អល់ឡោះគឺជាអ្នកដឹងបំផុតមហាគតិបណ្ឌិត