Surah An-Nisa Ayahs #88 Translated in Khmer

ដូច្នេះ ចូរអ្នកប្រយុទ្ធដើម្បីបុព្វហេតុមាគ៌ារបស់អល់ឡោះ។ គេមិនដាក់បន្ទុកលើអ្នកទេមានតែខ្លួនអ្នកផ្ទាល់។ ចូរអ្នកជម្រុញពួកដែលមានជំនឿ សង្ឃឹមថាអល់ឡោះនឹងទប់ស្កាត់អំពើហិង្សារបស់ពួកដែលបាន អជំនឿ។ ហើយអល់ឡោះខ្លាំងជាងខាងអនុភាព និងខ្លាំងជាងខាងការដាក់ទោស

ជនណាដែលជួយអន្តរាគមន៍នូវអំពើល្អណាមួយ ចំណែកមួយនៃអំពើនោះជារបស់ជននោះ។ ហើយជនណាជួយអន្តរាគមន៍ នូវអំពើអាក្រក់ណាមួយ បន្ទុកមួយនៃអំពើនោះ​ជារបស់ជននោះដែរ។ អល់ឡោះជាអ្នកមានឫទ្ធានុភាពថែរក្សាលើសអ្វីៗទាំងអស់

ហើយកាលណាពួកអ្នកត្រូវបានគេគោរពដោយក្តីសុភាពណាមួយ(ឱ្យសាឡាម) ចូរពួកអ្នកគោរពដោយក្តីសុភាពដ៏ល្អជាង ឬតបវិញដោយស្មើគ្នា។ ការពិតអល់ឡោះគឺជាគណនេយ្យករលើអ្វីៗទាំងអស់

អល់ឡោះគ្មានម្ចាស់ណាក្រៅពីលោកទេ។ លោកពិតជានឹងប្រមូលពួកអ្នកទៅកាន់ថ្ងៃវិនិច្ឆ័យដោយគ្មានការមន្ទិលសង្ស័យពីថ្ងៃនោះទេ។ តើជនណាមួយដែលពិតជាងអល់ឡោះខាងពាក្យសម្តីនោះ

តើអ្វីដែលធ្វើឱ្យពួកអ្នកទៅជាពីរក្រុមក្នុងរឿងពួកពុតត្បុត។ ក្នុងករណីអល់ឡោះបានរុញច្រានពួកគេដោយសារតែអ្វីដែលពួកគេខិតខំសាងមក។ តើពួកអ្នកមានបំណងមគ្គុទ្ទេសជនដែលអល់ឡោះបានបន្សាត់ឬ?។ ជនណាដែលអល់ឡោះបន្សាត់អ្នកមិនអាចប្រទះផ្លូវណាមួយជូនជននោះឡើយ