Surah An-Nisa Ayahs #86 Translated in Khmer

តើហេតុអ្វីពួកគេមិនពិចារណាពីអាល់គួរអាន? បើសិនអាល់គួរអានមកផ្សេងពីអល់ឡោះនោះ ប្រាកដជាពួកគេបានប្រទះឃើញនូវការមិនស្របគ្នាជាច្រើននៅក្នុងវានោះ

ហើយកាលណារឿងស្តីពីសេចក្តីសុខ ឬ្ញុតក់ស្លុតបានទៅដល់ពួកគេ ពួកគេបានផ្សព្វផ្សាយរឿងនោះ។ ហើយបើពួកគេបានបញ្ជូនរឿងនោះទៅរ៉សូលនិងទៅអ្នកគ្រប់គ្រងការងារនៃពួកគេវិញ ប្រាកដជាពួកដែលអាចសន្និដ្ឋានរឿងដោយសមរម្យនៃពួកគេបានដឹងរឿងនោះ។ តែបើសិនគ្មានក្តីមេត្តាធម៌របស់អល់ឡោះនិងក្តីអាណិតអាសូររបស់លោកទៅលើពួកអ្នកទេ ពួកអ្នកពិតជាធ្វើតាមស្ហៃតន លើកលែងតែតិចតួចប៉ុណ្ណោះ

ដូច្នេះ ចូរអ្នកប្រយុទ្ធដើម្បីបុព្វហេតុមាគ៌ារបស់អល់ឡោះ។ គេមិនដាក់បន្ទុកលើអ្នកទេមានតែខ្លួនអ្នកផ្ទាល់។ ចូរអ្នកជម្រុញពួកដែលមានជំនឿ សង្ឃឹមថាអល់ឡោះនឹងទប់ស្កាត់អំពើហិង្សារបស់ពួកដែលបាន អជំនឿ។ ហើយអល់ឡោះខ្លាំងជាងខាងអនុភាព និងខ្លាំងជាងខាងការដាក់ទោស

ជនណាដែលជួយអន្តរាគមន៍នូវអំពើល្អណាមួយ ចំណែកមួយនៃអំពើនោះជារបស់ជននោះ។ ហើយជនណាជួយអន្តរាគមន៍ នូវអំពើអាក្រក់ណាមួយ បន្ទុកមួយនៃអំពើនោះ​ជារបស់ជននោះដែរ។ អល់ឡោះជាអ្នកមានឫទ្ធានុភាពថែរក្សាលើសអ្វីៗទាំងអស់

ហើយកាលណាពួកអ្នកត្រូវបានគេគោរពដោយក្តីសុភាពណាមួយ(ឱ្យសាឡាម) ចូរពួកអ្នកគោរពដោយក្តីសុភាពដ៏ល្អជាង ឬតបវិញដោយស្មើគ្នា។ ការពិតអល់ឡោះគឺជាគណនេយ្យករលើអ្វីៗទាំងអស់