Surah An-Naml Ayahs #89 Translated in Khmer

ហើយវាចា (យើង) បានធ្លាក់ទៅលើពួកគេ ដោយសារតែអ្វីដែលពួកគេបាន សាងបាបកម្ម រួចមក ពួកគេមិនអាចនិយាយបាន

តើពួកគេមិនទាន់ឃើញទេឬ? ការពិត យើងបានចាត់រាត្រីកាល ដើម្បីពួកគេសម្រាកនៅក្នុងវេលានោះ ព្រមទាំងទិវាកាលដើម្បីឱ្យមើលឃើញ។ ការពិតក្នុងព្រឹត្តិ- ការណ៍ទាំងនេះ ប្រាកដជាភស្តុតាងៗសម្រាប់ក្រុមមនុស្សជឿ

នាថ្ងៃដែលគេនឹងផ្លុំទៅក្នុងត្រែ អ្នកដែលមាននៅឯមេឃាទាំងឡាយ ព្រមទាំងអ្នកដែលមាននៅឯផែនដីនឹងត្រូវផ្អើលភ័យរន្ធត់ លើកលែងតែអ្នក ដែលអល់ឡោះមានបំនងប្រាថ្នាប៉ុណ្ណោះ។ ហើយទាំងអស់គ្នានឹងបានទៅដល់ លោកដោយបន្ទាបខ្លួន

ហើយអ្នកឃើញភ្នំគិរីទាំងឡាយ ដែលអ្នកនៅគិតថា ភ្នំទាំងនោះ នឹងថ្កល់ ការពិតភ្នំទាំងនោះកំពុងធ្វើដំណើរដូចពពក។ កិច្ចការបង្កើតរបស់អល់ឡោះ ដែលបាន ធ្វើឱ្យសុក្រឹតនូវសព្វសារពើ។ ការពិត លោកជាអ្នកដឹងបំផុតនូវអ្វីដែលពួកអ្នកបានប្រព្រឹត្ត

អ្នកណាដែលបាននាំមកនូវកុសល សម្រាប់ជននោះគឺប្រសើរជាងកុសលនោះហើយ នាថ្ងៃនោះពួកគេ គឺជាពួកសុខសាន្តពីការភ័យរន្ធត់