Surah An-Naml Ayahs #91 Translated in Khmer

នាថ្ងៃដែលគេនឹងផ្លុំទៅក្នុងត្រែ អ្នកដែលមាននៅឯមេឃាទាំងឡាយ ព្រមទាំងអ្នកដែលមាននៅឯផែនដីនឹងត្រូវផ្អើលភ័យរន្ធត់ លើកលែងតែអ្នក ដែលអល់ឡោះមានបំនងប្រាថ្នាប៉ុណ្ណោះ។ ហើយទាំងអស់គ្នានឹងបានទៅដល់ លោកដោយបន្ទាបខ្លួន

ហើយអ្នកឃើញភ្នំគិរីទាំងឡាយ ដែលអ្នកនៅគិតថា ភ្នំទាំងនោះ នឹងថ្កល់ ការពិតភ្នំទាំងនោះកំពុងធ្វើដំណើរដូចពពក។ កិច្ចការបង្កើតរបស់អល់ឡោះ ដែលបាន ធ្វើឱ្យសុក្រឹតនូវសព្វសារពើ។ ការពិត លោកជាអ្នកដឹងបំផុតនូវអ្វីដែលពួកអ្នកបានប្រព្រឹត្ត

អ្នកណាដែលបាននាំមកនូវកុសល សម្រាប់ជននោះគឺប្រសើរជាងកុសលនោះហើយ នាថ្ងៃនោះពួកគេ គឺជាពួកសុខសាន្តពីការភ័យរន្ធត់

ហើយជនណាដែលបាននាំ មកនូវអកុសល មុខមាត់របស់ពួកគេនឹងត្រូវបានគេផ្តួលដាំទីងទៅក្នុងនរក។ តើគេ នឹងទូទាត់ពួកអ្នកក្រៅពីអ្វីដែលពួកអ្នកធ្លាប់បានប្រព្រឹត្តនោះឬ?

ការពិតគេបាន ដាក់បញ្ជាយើង ឱ្យយើងគោរពប្រណិប័តន៍ម្ចាស់ទីក្រុងនេះ (ម៉ាក្កះ)តែប៉ុណ្ណោះដែល លោកបានប្រសិទ្ធិដល់ក្រុងនោះ។ កម្មសិទ្ធិរបស់លោក គឺសព្វសារពើ។ ហើយគេ បានដាក់បញ្ជាយើង ឱ្យយើងក្លាយទៅជាជនមុស្លិមម្នាក់