Surah An-Nahl Ayahs #93 Translated in Khmer

នៅថ្ងៃដែលយើងនឹងតែងតាំងនៅក្នុងសហគមន៍នីមួយៗ នូវសាក្សីម្នាក់ទៅលើពួកគេពីខ្លួនពួកគេផ្ទាល់។ ហើយយើងបាននាំអ្នកទៅ ដើម្បីជាសាក្សីម្នាក់ ទៅលើពួកទាំងអស់នេះ។ រួចយើងបានដាក់ចុះទៅលើ អ្នកនូវគម្ពីរ ដើម្បីជាការបញ្ជាក់ច្បាស់មួយចំពោះវត្ថុទាំងឡាយ ព្រមទាំង ជាមគ្គុទ្ទេសន៍ ក្តីអាណិតអាសូរមួយ និងជាដំណឹងរីករាយសម្រាប់ពួកគោរព

ការពិតអល់ឡោះបញ្ជាឱ្យសាងយុត្តិធម៌ អំពើល្អ និងផ្តល់(ជំនួយ)ទៅ អ្នកជិតខាង ហើយលោកហាមឃាត់ពីអំពើអាស្រូវ អំពើមិនគប្បី និងផ្គើន បំពាន។ លោកតឿនក្រើនទៅពួកអ្នក សង្ឃឹមថា ពួកអ្នកនឹងនឹកឃើញ

ហើយចូរពួកអ្នកបំពេញនូវការសន្យារបស់អល់ឡោះ កាលណាពួកអ្នកបាន សន្យាហើយ ចូរពួកអ្នកកុំបំផ្លាញនូវពាក្បសម្បថ ក្រោយពីការពង្រឹងរបស់ វា។ ហើយពួកអ្នក ពិតជាបានចាត់ទុកអល់ឡោះ ជាអ្នកដែលគាំពារលើពួក អ្នក។ អល់ឡោះពិតជាដឹងនូវអ្វីដែលពួកអ្នកប្រព្រឹត្ត

ហើយចូរពួកអ្នក កុំមានដូចនារីដែលបានបំផ្លាញសរសៃអំបោះហុងរបស់នាង បន្ទាប់ពីការ ហុងបានមាំមួន ដោយពួកអ្នកយកសម្បថរបស់ពួកអ្នក ធ្វើជាការបោកប្រាស់ មួយដើម្បីឱ្យសហគមន៍មួយ ហើយមានអត្ថប្រយោជន៍ជាងសហគមន៍មួយ។ ជាការពិតណាស់ អល់ឡោះសាកល្បងពួកអ្នកប៉ុណ្ណោះ។ ហើយដើម្បីលោក នឹងបញ្ជាក់ច្បាស់ឱ្យពួកអ្នក នាថ្ងៃងើបឡើងវិញ នូវអ្វីដែលពួកអ្នកធ្លាប់បាន ខ្វែងយោបល់គ្នានោះ

ហើយប្រសិនបើអល់ឡោះប្រាថ្នា លោកពិតជា ធ្វើឱ្យពួកអ្នកទៅជាសហគមន៍តែមួយ ក៏ប៉ុន្តែលោកនឹងបន្សាត់វង្វេងជនណា ដែលលោកប្រាថ្នា ហើយលោកនឹងមគ្គុទេសជនដែលលោកប្រាថ្នា។ ពួកអ្នក នឹងត្រូវគេសួរដេញដោល ស្តីអំពីអ្វីៗដែលពួកអ្នកធ្លាប់បានប្រព្រឹត្តនោះ