Surah Al-Qasas Ayahs #63 Translated in Khmer

ម្ចាស់របស់អ្នកពុំមែនជាអ្នកធ្វើឱ្យវិនាស បូរីទាំងឡាយទេ លុះត្រាតែលោកចាត់ទៅក្នុងមាតុបូរីនោះ នូវរ៉សូលម្នាក់ដែលនឹងសូត្រ ទៅលើពួកគេនូវអាយ៉ាត់ៗរបស់យើង។ ហើយយើងក៏ពុំមែនជាអ្នកដែលធ្វើឱ្យវិនាសបូរី ទាំងឡាយនោះដែរ បើសិនអ្នកស្រុកបូរីនោះ ពុំមែនជាពួកអ្នកដែលអយុត្តិធម៌ទេនោះ

វត្ថុណាមួយក៏ដោយ ដែលគេបានផ្តល់ទៅពួកអ្នក គឺជាការសោយសុខជីវិតលោកិយ និង ជាគ្រឿងតុបតែងជីវិតលោកិយ ហើយអ្វីៗដែលនៅក្បែរអល់ឡោះ គឺប្រសើរនិងស្ថិតស្ថេរ ជាង ដូចនេះតើពួកអ្នកមិនយល់ទេឬ?

ដូចនេះ ជនណាដែលយើងបានសន្យាទៅជននោះ នូវការសន្យាមួយដ៏កុសល រួចមកជននោះជាអ្នកជួបកុសលនោះ។ តើដូចគ្នាឬនឹងជនដែល យើងបានផ្តល់ការត្រេកត្រអាលទៅជននោះ នូវភាពសុខស្រួលនៃជីវិតលោកិយ ក្រោយមក ជននោះ នាថ្ងៃងើបឡើងវិញក្នុងចំណោមពួកអ្នកដែលត្រូវនាំខ្លួន (ទៅកាន់នរក)

ហើយ នៅថ្ងៃដែលលោកនឹងហៅពួកគេ រួចលោកនឹងថា ឯណាវត្ថុស៊ីរិកៗនឹងយើង ដែលពួកអ្នក ធ្លាប់បានអះអាង

ពួកដែលសំដីបានសម្រេចប្រាកដទៅលើពួកគេហើយនោះថា ឱម្ចាស់ យើង! ពួកទាំងអស់នេះហើយ ដែលយើងបានបន្សាត់ យើងបានបន្សាត់ពួកគេ ដូចដែលពួក យើងបានរសាត់។ ពួកយើងបានរួចចាកផុត (ពីពួកគេ) ឆ្ពោះទៅកាន់លោកហើយ ។ ពុំមែន សំដៅមកពួកយើងទេ ដែលពួកគេគោរពប្រណិប័តន៍