Surah Al-Qasas Ayahs #46 Translated in Khmer

យើងបានធ្វើឱ្យ ការប្រទេចផ្តាសា តាមប្រកិតពួកគេនៅក្នុងលោកិយនេះ ហើយនៅថ្ងៃងើប ឡើងវិញ ពួកគេក្នុងចំណោមពួកដែលត្រូវបំបាក់មុខ

ហើយយើងបាន ផ្តល់យ៉ាងពិតប្រាកដទៅកាន់មូសា នូវគម្ពីរបន្ទាប់ពីករណីដែលយើងបាន បំផ្លិចបំផ្លាញបណ្តាអ្នកជំនាន់ដើម ដើម្បីជាការបំភ្លឺគំនិតនោះចំពោះមនុស្ស និងជាមគ្គុទ្ទេសន៍ និងជាការអាណិតអាសូរ រំពឹងថាពួកគេនឹងនឹកឃើញ

អ្នកពុំមែនជាអ្នកនៅខាងបស្ចិមទេ នៅពេលដែលយើងបានបញ្ញាត្តបទបញ្ជាទៅកាន់ មូសា ហើយអ្នកក៏ពុំមែនក្នុងចំណោមពួកអ្នកសាក្សីដែរ

ក៏ប៉ុន្តែ យើងបានបង្កើត អ្នកជំនាន់មុនទាំងឡាយ រួចវ័យក៏បានបន្លាយវែងទៅលើពួកគេ ហើយអ្នកក៏ពុំមែនជា អ្នករស់នៅក្នុងពួកស្រុកម៉ាទយ៉ានដែរឱ្យអ្នកកំពុងសូត្រទៅលើពួកគេ នូវអាយ៉ាត់ៗរបស់ យើង ក៏ប៉ុន្តែ គឺយើងទេដែលជាអ្នកដែលចាត់បញ្ជូន

អ្នកក៏ពុំមែនជាអ្នកដែលនៅ ជិតភ្នំតួរ៍ដែរ នៅពេលដែលយើងបានស្រែកហៅនោះ ក៏ប៉ុន្តែជាការអាណិតអាសូរ អំពីម្ចាស់របស់អ្នក ដើម្បីអ្នកនឹងព្រមានមនុស្សមួយក្រុម ដែលតាំងពីអ្នកជំនាន់មុនៗ របស់អ្នកមក គឺមិនបានទៅដល់ពួកគេ នូវអ្នកក្រើនរំលឹកណាម្នាក់ឡើយ រំពឹងថាពួក គេទាំងនោះនឹងនឹកឃើញ