Surah Al-Qasas Ayahs #48 Translated in Khmer

អ្នកពុំមែនជាអ្នកនៅខាងបស្ចិមទេ នៅពេលដែលយើងបានបញ្ញាត្តបទបញ្ជាទៅកាន់ មូសា ហើយអ្នកក៏ពុំមែនក្នុងចំណោមពួកអ្នកសាក្សីដែរ

ក៏ប៉ុន្តែ យើងបានបង្កើត អ្នកជំនាន់មុនទាំងឡាយ រួចវ័យក៏បានបន្លាយវែងទៅលើពួកគេ ហើយអ្នកក៏ពុំមែនជា អ្នករស់នៅក្នុងពួកស្រុកម៉ាទយ៉ានដែរឱ្យអ្នកកំពុងសូត្រទៅលើពួកគេ នូវអាយ៉ាត់ៗរបស់ យើង ក៏ប៉ុន្តែ គឺយើងទេដែលជាអ្នកដែលចាត់បញ្ជូន

អ្នកក៏ពុំមែនជាអ្នកដែលនៅ ជិតភ្នំតួរ៍ដែរ នៅពេលដែលយើងបានស្រែកហៅនោះ ក៏ប៉ុន្តែជាការអាណិតអាសូរ អំពីម្ចាស់របស់អ្នក ដើម្បីអ្នកនឹងព្រមានមនុស្សមួយក្រុម ដែលតាំងពីអ្នកជំនាន់មុនៗ របស់អ្នកមក គឺមិនបានទៅដល់ពួកគេ នូវអ្នកក្រើនរំលឹកណាម្នាក់ឡើយ រំពឹងថាពួក គេទាំងនោះនឹងនឹកឃើញ

ហើយបើសិនគ?នាគ្រោះកម្មមួយបានប៉ះទង្គិចពួកគេ ដោយ សារតែអ្វីដែលដៃទាំងឡាយរបស់ពួកគេបានប្រព្រឹត្តកន្លងមកនោះ ពួកគេនឹងបួងសួងថា ឱម្ចាស់ពួកយើង! ហេតុអ្វីមិនបានចាត់បញ្ជូនមកកាន់ពួកយើងនូវរ៉សូលម្នាក់ ដើម្បី ពួកយើងនឹងធ្វើតាមអាយ៉ាត់ៗរបស់លោក ហើយដើម្បីឱ្យពួកយើងនឹងក្លាយទៅក្នុង ចំណោមពួកអ្នកមានជំនឿ?

រួចមក នៅពេលដែលសច្ចភាពពីយើងបានទៅដល់ ពួកគេ ពួកគេថាហេតុអ្វីប្វានជាគេមិនបានផ្តល់ឱ្យគេ នូវអ្វីដែលគេបានផ្តល់ទៅមូសា? តើពួកគេមិនប្រព្រឹត្តអជំនឿចំពោះអ្វីដែលគេបានផ្តល់ទៅមូសា កាលពីមុននោះទេឬ?។ ពួកគេថា អាគមគាថាទាំងពីរនោះ(គួរអាន និងត៉ាវរ៉ត) បានសហការគ្នាទៅវិញទៅមក ហើយពួកគេនិយាយថា ពួកយើង ពិតជាពួកអជំនឿនឹងរាល់ទាំងអស់នេះ