Surah Al-Qasas Ayahs #43 Translated in Khmer

ហើយគេបានកាន់ឫកក្អេងក្អាង ទាំងខ្លួនគេ និងកងទ័ពរបស់គេនៅក្នុងទឹកដី ដោយឥតត្រឹមត្រូវសោះ ហើយពួកគេបាន គិតថា ពួកគេប្រាកដជានឹងមិនត្រូវបញ្ជូនត្រឡប់ទៅកាន់យើងវិញទេ

ក្រោយមក យើងបានចាប់ក្របួចខ្លួនគេ និងកងទ័ពទាំងឡាយរបស់គេ រួច មកយើងបានបោះពួកគេទៅក្នុងសមុទ្រ។ ដូចនេះ ចូរអ្នកពិចារណាមើល តើ ទីបញ្ចប់នៃពួកអយុត្តិធម៌នោះ នឹងទៅជាយ៉ាងណា?

ហើយយើងបាន ចាត់ពួកគេជាពួកមេដឹកនាំ ដែលកំពុងអំពាវនាវទៅកាន់នរក។ ហើយនា ថ្ងៃងើបឡើងវិញនោះ ពួកគេនឹងគ្មានគេជួយឡើយ

យើងបានធ្វើឱ្យ ការប្រទេចផ្តាសា តាមប្រកិតពួកគេនៅក្នុងលោកិយនេះ ហើយនៅថ្ងៃងើប ឡើងវិញ ពួកគេក្នុងចំណោមពួកដែលត្រូវបំបាក់មុខ

ហើយយើងបាន ផ្តល់យ៉ាងពិតប្រាកដទៅកាន់មូសា នូវគម្ពីរបន្ទាប់ពីករណីដែលយើងបាន បំផ្លិចបំផ្លាញបណ្តាអ្នកជំនាន់ដើម ដើម្បីជាការបំភ្លឺគំនិតនោះចំពោះមនុស្ស និងជាមគ្គុទ្ទេសន៍ និងជាការអាណិតអាសូរ រំពឹងថាពួកគេនឹងនឹកឃើញ